ווי איך זעה פלעגט זיך די עולם פארשטעלן, ווען מ'איז אריינגעקומען אונעם קרעמל, אלזא לאמיר זיך פארשטעלן פארן ציבור
א גוטן לאמיר זיך באקענען איך בין 'שומו שמייעם'
איך בין א שטארקע פארלייקענער פון די אלע 'ירידת הדורות' 'עקבתא דמשיחא' –'היינטיגע נידריגע דור'
לאזונגען, איך בין ליבערשט א חסיד פון די אכשר דרא באוועגונג, איך בין פון די כופרים וואס האלטן אז
מ'קען מאכן די וועלט פאר א בעסערע פלאץ... בקיצור איך בין זייער קעגן די וואס רייסן אראפ דעהם דור.
איך בין דא אין קרעמל אויסצישרייען שומו שמיים!! אויף די פירצות וואס די 'סיסטעם' זייעט אן
(בבחינת מוציא בלאו מפיו...) מיט א פאזעטיווע ענערגיע וויל איך אוועקבלאזן די נעגעטיוועטי און גילט
מיט וואס די סיסטעם האט פארפעסטעט דעהם עולם... און אנטבלויזן דעהם דור פון די קאלאטשען ביזן
רעשוואלקע צי אנטדעקן איר אמתער שיינע גלאנץ וואס זי פארמאגט... איך קוק ארויס אויף דעהם
צאמפאל פון די 'נקמה אין היטלער' סיסטעם, און די אויפבלי פון א 'דור שכולו זכאי' וואס וועט מיט
שטאלץ מקבל זיין פני משיח צדקינו
איך גלייך זייער צי הערן און ליינען היסטאריע קורות דברי הימים אזוי אויך האב איך זייער ליב
אויטענטישע אידישקייט (פון א טראפקעלע פאר די 'מחניים' ביכער...)
{איך למשל האב מקדש געווען מיין ווייב, אזוי אויפן וועג קומענדיג פון גראסערי, זי איז געזעצן און
געוואשן איר פיס אין א שיסל וואסער אויף די גראז ארום איר הויז, אונז האבן אויפגעטוישט ליבליכע
בליקן, און דאן האב איך געגעבן א שלעפ ארויס א ציבעלע פון מיין זעקל, און געגעבן א ווארף צי איר מיט
א געשריי 'התקדש לי בזה!!',שוין! מזל טוב! , נאר איין זאך, זי הייסט גראדע נישט 'ההוא איתתא'...}
איך קוק ארויס צי געניסן פון די שיינע קרעמל דא, און אויך צי מיטטיילן מיינע רעיונות און מחשבות, על
דא ועל הא, און פארשטייט זיך ווי געשמועסט אכטונג געבן אז אינזער פינטעלע איד זאל בלייבן אידיש
(אויטענטישע...) און נישט פארשטאפט ווערן פון די מחבלים בכרמים... טינקעלע סיסטעם, שוין,לאמיר
רעדן אביסל פאזעטיוועטי....
הנה ימים באים נאום ה' אלוקים, לא רעב ללחם ולא צמא למים, כי אם לשמוע את דברי השם!!!
(נ.ב. די ריכטיגע וועג צי ארויסזאגן שומו שמייעם איז מיט די ליטווישע הברה אזוי ווי גדליה שרייט מנהמת ליבו הטהור אויף שאבאבניקים, פון איהם בין
איך בעצם געווארן אינספירירט....)
האב אסאך הצלחה......
