טשערנאבלער מגיד'ס שטעקן

[נחבי בן ופסי]

אין טשערנאביל איז געווען איינער וואס איז געווען א מתנגד, און ער האט עפעס ארומגערעדט אז וואס טוט דער טשערנאבלער מגיד א גאנצן טאג? ער זיצט און ער פראוועט און מ'גיבט אים געלט...

איינמאל האט ער זיך מיישב געווען אז ער וויל אליין צוזען וואס ס'טוט זיך ביים טשערנאבלער מגיד. האט ער זיך באהאלטן אין א שטוב דערנעבן אז קיינער זאל אים נישט זען, און ער האט געוואלט זען וואס ס'טוט זיך דארט. אויף דעם געלעגנהייט האט דער טשערנאבלער שוין לאנג געווארט.

עס גייט אן זאגן אז פארן מגיד האט גאר ווייניג געשמעקט אז עס דרייט זיך אים א מתנגד אינטער די פיס און גלייבט נישט אין אים מיט א בלינדע אמונה אזוי ווי די אנדערע תמימות'דיגע חסידים. בעיקר האט אים געשטערט אז די מתנגד איז נאך אן ערליכער אויך, נישט סתם אן אויסווארף. ער קויפט נישט אפ זיינע מעשיות אז ווען ער זיצט אין פראוועט און בטל'ט די צייט, טוט ער אויף גרויסע תיקונים. די ערליכע מתנגד האט נישט אפגעקויפט אז דער רבינס ביטול תורה איז א הייליגע זאך.

ווי נאר די גבאי האט באמערקט ווי דער מתנגד גנב'עט זיך אריין אינעם צימער צו קענען מיטהאלטן לייוו וואס דער רבי טוט, איז דער פלאן וואס מען האט שוין לאנג דיסקוסירט מיטן רבין אריין אין אפעקט.

דער גבאי האט געווארט דער רבי זאל ענדיגן פראווענען, געענדיגט אויפנעמען דער עולם, און געגעבן א ווינק פארן רבין, היינט געשעט עס, ער איז דא...

דער גבאי גייט ארויס פונעם הויז, און גייט צי צום פענצטער פינדרויסן און געבט א קלאפ, קודם איין קלאפ, דערנאך נאך איינס, און הייבט אן צו רעדן צום מגיד אין אזא קול וואס זאל זיך הערן ווי א נשמה פון יענע וועלט.

דער מתנגד הערט ווי איינער קלאפט אין פענסטער, און יענע האט געשריגן אז ער איז א נשמה און ר"ל מלאכי חבלה האבן אים אוועקגענומען און ער האט נישט קיין עצה, און דער טשערנאבלער מגיד זאל אים ראטעווען!

האט אים דער טשערנאבלער מגיד געפרעגט צי ער האט עפעס א חלק פון התקשרות מיט אים, צי ער האט אים אמאל געגיבן עפעס געלט צי וואס? זאגט ער אז ניין, ער האט אים קיינמאל נישט געגיבן קיין געלט. האט דער טשערנאבלער מגיד געזאגט: 'כ'קען נאר טון ווען איינער האט מיט מיר עפעס א התקשרות.' האט די 'נשמה' געוויינט און געוויינט און זיך געבעטן אז ער איז ארומגענומען מיט מלאכי חבלה ר"ל און ס'איז נישטא קיינער וואס העלפט אים, און ער זאל רחמנות האבן! האט אים דער טשערנאבלער מגיד געזאגט: "איין עצה האב איך. דארט וואו דו ליגסט אין בית החיים, איז נעבן דיר דא א צווייטער חסיד וואס יענער האט בחייו מיר געגיבן אסאך געלט האב איך איין עצה אז דו זאלסט בעטן פון יענע נשמה אז ער זאל דיר איבערגיבן א חלק פון דעם זכות, און אז ער וועט דיר איבערגיבן דעם זכות וועסטו שוין האבן עפעס א התקשרות, און דעמאלס וועל איך דיר קענען א טובה טון.

"'איי יענער וועט דיר נישט גלייבן? איז דא א איד וואס איז באהאלטן אין דעם צווייטן שטוב, און ער וועט מיטגיין מיט דיר און ער וועט זיין אן עדות און מעיד זיין אז ער האט אליין געהערט אז דו טוסט עס נישט פון זיך אליין נאר איך האב דיר געשיקט, און כ'האב מציע געווען דו זאלסט אים בעטן ער זאל דיר מוותר זיין אויף א חלק פון דאס געלט וואס ער האט מיר געגיבן, כדי ס'זאל זיין עפעס א התקשרות און כ'זאל דיר קענען א טובה טון."

ווען דער מתנגד האט דאס נעבעך געהערט איז ער פארשטייט זיך ארויסגעלאפן, און ער האט געוויינט בדמעות שליש:
'כ'וויל נישט האבן צוטון מיט קיין נשמות. איך זאל מיטגיין אין בית החיים? כ'האב מורא, כ'וויל נישט'... ער האט זיך געבעטן ביים טשערנאבלער מגיד ער זאל אים אפלאזן און פארטיג.

פארן מתנגד איז אין וויסטן חלום נישט בייגעפאלן אז דער מגיד איז אזא בעטריגער און ער האט אינטערגעשטעלט די גאנצע זאך אים אפצוקויפן. ער איז געווען זיכער אז ער האט א טעות און דער רבי איז באמת יא א הימל מענטש וואס נשמות קומען צו אים פאר א תיקון.

זאגט אים דער טשערנאבלער מגיד: "כ'דארף דיר נישט אפלאזן. אויב דו האסט מורא, וועל איך דיר גיבן א זאך וואס וועט דיר זיין א שמירה און דו וועסט נישט דארפן פאר קיינעם מורא האבן!"

ער האט גענומען דעם שטעקן און ער האט דאס אים געגיבן און ער האט אים געזאגט: "דו האסט מורא? אז דו וועסט האבן דעם שטעקן דארפסטו פאר גארנישט מורא האבן! אז דו האסט דעם שטעקן וועט דאס דיר זיין א שמירה, קיינער וועט דיך נישט קענען קיין שלעכטס טון, ס'איז נישטא קיינער וואס וועט האבן א שליטה אויף דיר. אויב דו האסט דעם שטעקן דארפסטו פאר גארנישט מורא האבן!"

שוין, אז ער האט אים אזוי בארואיגט, איז ער למעשה געגאנגען מיט'ן שטעקן צום ביה"ח. דער נשמה האט טאקע נישט גערעדט מיט אים (כ'מיין, וואס האט די נשמה צו רעדן מיט דער מתנגד...?) אבער ער איז געווען זיכער אז די נשמה קומט מיט און אז ער העלפט אים באקריגן זיין תיקון.

ער האט טאקע נישט פארשטאנען וואס עפעס קען א רבי בכלל העלפן א נשמה, אז ער האט געזינדיגט אויף די וועלט, ווי קומט בכלל א רבי זיך אריינצומישן? און נאר אויב ער האט אים א טובה געטון? התקשרות? אז די רבי איז אזא וואוילע מענטש פארוואס קען ער נישט העלפן א נשמה סתם אזוי? פארוואס קען ער נאר העלפן "זיינע מענטשן" וואס האבן אים "געגעבן געלט"? און אויב גייט מען שוין יא בעטן פון א צווייטע נשמה זאל אוועקגעבן די זכותים, פארוואס מוז מען אראפשיקן א שליח צום בית החיים? צודען קען נישט די רבי קאנטאקטן יענע נשמה פון דא?

גיי פארשטייט, אבער די מתנגד האט דאך קלאר געהערט מיט די אייגענע אויערן ווי די נשמה וויינט אזוי ביטערליך פאר א תיקון, מוז דאך זיין אז עס איז אמת.

דער סוף פון די גאנצע מעשה איז פארשטייט זיך געווען, אז נאכדעם וואס ער האט דאס מיטגעהאלטן, איז ער געווארן פון די גרויסע חסידים ביים טשערנאבלער מגיד זי"ע.

איז דאך דער שטעקן א געוואלדיגע שטעקן, אויף אזוי ווייט אז דער בעלזא רב רעב אהרעלע האט געזאגט פארן סקווירא רביצין טראני וואס איז געקומען אפנעמען די ירושה שטעקן פון א"י קיין אמעריקע אז היות זי איז א פרוי זאל זי נישט צירירן צום שטעקן. ווייל... כ'ווייס, א פרוי איז דאך נישט אזוי הייליג ווי א מאן.

דער אלטער סקווירא רבי האט אזוי מורא געהאט פון דעם שטעקן אז ער האט עס קיינמאל נישט אנגערירט!

וואס זאל מען אבער טון אז דער היינטיגער סקווירער רבי דארף א באנטש געלט צו פארענדיגן דאס בויען פון זיין גרויסע שול אין שיכון סקווירא? זענען די עסקנים אויפגעקומען מיט אן עצה, די רבי וועט ווייזן זיין ירושה פאר די נגידים וואס געבן 26 טויזנט דאלער, און אויך דעם הייליגן שטעקן! פאר אפאר דאלער וועט ער רירן די שטעקן וואס די טאטע פלעגט נישט רירן. נישט געפערליך, ווען עס קומט צו מאכן א ל"ג בעומר הדלקה איז מען אויך משנה פונעם טאטן. ווען מען האט אייגענע חשבונות און אינטערעסן מעג מען שוין איינמאל משנה זיין.

מען האט געלאזט בויען א פרישע האלצענע קעסטל פארן שטעקן לכבוד די מעמד. מען האט אויך באשטעלט ביי א שניידערין אין שיכון סקווירא אז זי זאל אויפנייען א ספעציעלן סחורה פארן אינעוויניגסטן חלק פון די האלצענע קעסטל.

פארשטייט זיך אז די שניידערין האט זיך זייער געפריידט צום גרויסן זכיה וואס זי האט, און זי האט גענייעט מיט גרויס דחילו ורחימו, אפשר האט זי גאר אויסגעזאגט תהלים פאר דעם, כ'האב עס נישט באשטעטיגט.

למעשה ווען מען האט אריינגעטראגן די סחורה פאר רבי'ן האט ער גאזאגט אז מען קען עס נישט ניצן, ווייל א פרוי האט עס אויפגענייעט, און... הע, כ'דארף נאך מסביר זיין?

שוין, דער עיקר איז אז דער אייבישטער זאל העלפן אז די שטעקן זאל מגין זיין.

 

[שעפטאל]

@נחבי בן ופסי ביסט צוקער זיס!!!

דאכצעך אז די מעשה גייט אביסל אנדערש. די מתנגד האט קיין שום קול נישט געהערט, אבער מיטן זיין גענוג לאנג באהאלטן האט זיין כוח הדמיון מיט געשפילט ווען די רבי האט גערעדט מיט נשמות.

און די רבי האט זיכער נישט געדמיונט, ווייל ער איז דאך א צדיק, און א צדיק האט זיכער נישט קיין כוח הדמיון.

 

[אפענער]

איך וואלט מלמד זכות געווען אז די מעשה האט קיינמאל פאסירט

 

[טייערע חבר]

גוט
@נחבי בן ופסי טענקסט

 

[מי אני]

יא יא. ווי איך האב ארויסגעברענגט אין די אשכול מער באריכות, זענען דא מעשיות וואס חסידים פארציילן אויף זייערע חסידי'שע רביס, וואס אנשטאטס זיי ארויסהייבן, וואס דאס איז בעצם די מטרה פונעם פארציילער, טוהט עס זיי גאר פארשעהמען, אז זיי האבן געטוהן עפעס שלא כהלכה אדער קעגן בּעיסיק עטישקייט (ווי אין די מעשה נישט צו העלפן איינער וואס האט אים נישט געגעבן קיין געלט, חוץ אויב געבט מען אָן עפעס א מיסטישע עיכוב פון התקשרות).

ובכלל גייט ביי די סארט מעשיות אָן פּוי'ס געזעץ, וואו מ'קען נישט געהעריג וויסן צי די מעשה איז נתחבר געווארן אלס א משכילי'שע פּעראדי אפצו'חוזק'ן פון חסידי'שע רביס, און דערנאך האבן דאס די חסידים טאקע אפגעקויפט מיט אַן ערענסטקייט. ועיין ערך מגלה טמירין.

אגב, זיי שרייבן לגבי חצר טשערנאביל פאר'ן קריג, לגבי חילוקים צווישן סארטן חסידות:

The regal type of a Hasidic court featured an opulent court and a tsaddik who comports himself like nobility or royalty. The regal way often accompanied other styles of leadership, but its purest expression was in the Ruzhin dynasty. As regal Hasidism often attracted criticism, its defenders sometimes argued that it was an external manifestation of concealed religiosity

Finally, populist Hasidism directed its spiritual message not only to the intellectual elite, but even more to an unlearned audience of Hasidim. Such an ethos did not exclude esoteric or scholastic elements, but it redirected them toward simple belief and prayer. Examples of such an approach can be found in the Chernobyl and Karlin dynasties. The regal and populist styles often went together. The Ruzhin dynasty is an excellent example of how a rebbe who comports himself as royalty can also appeal to a broad audience of Hasidim​

Click to shrink...

וויקיפדיה שרייבט אויפ׳ן טשערנאבלער מגיד ר׳ מרדכי טווערסקי זצ״ל:

זיי שרייבן לגבי ר' מרדכי און די מעמדות, ווי אויך איבער די ראלע פון פרויען דערין:

 

[דער גאלדענער אדלער]

א גוטע וואך.
קודם האמיר שוין געהערט א געלט מעשה און נאך פונעם הייליגן ראפּשיציר רב.
און צו די מעשה איז אמת צו נישט דאס איז שוין עכט נישט נוגע, צו פוקציע צו אמת, פלעגט מען זיך שטענדיג אויסדריקן "כאטשיג די מעשה איז נישט אמת וואלט עס ווען געקענט זיין אמת" אזוי ווי די היינטיגע נאוועל מעשיות וועלכע זענען "באזירט" אויף עכטע מעשיות

 

[דעת תורה]

געפעלט מיר ווי אלעס שטימט, דו ווייסט פונקטליך די מעכאניזם וויאזוי דער צדיק קאנפערירט מיט די נשמות, אזש דו האסט גאר טענות און דו מאכסט אוועק די נקודה פון התקשרות

האסט בכלל אריינגעטראכט א מינוט וויאזוי עס ארבעט אפילו צו קענען א טובה טון פאר עמיצן בעולם העליון, אינעם עולם האמת וואס נאר מי שטרח בערב שבת יאכל בשבת? עס איז גאר ווייט פון פשוט. אז דו הערסט פון איינעם (צי גאר אסאך) אין דעם פעלד אז דאס האט מיט התקשרות, קענסטו אדער אויסלאכן דאס גאנצע עסק אלס א דמיון צי גאר שארלאטאניזם (למשל אויב פינטו טוט עס איז עס א נאו-ברעינער, נאר אז מען רעדט פון שרפי מעלה - בעיסד אויף וואס איך ווייס וועגן זיי - טרויט זיך עפעס נישט אזוי צו זאגן, הגם איך קען נישט וויסן וויאזוי איך וואלט רעאגירט צו די געשעענישן ווען איך הער עס ווען בשעת מעשה), אדער מקבל זיין וואס יענער זאגט

אין נחבי בן ופסי'ס תגובה פעלט איין קנייטש, דער מתנגד האט גראדע געזען דעם פענסטער מיט די אייגענע אויגן און מיטגעהאלטן אז קיינער שטייט נישט דארט

 

[דער גאלדענער אדלער]

(ווי אין די מעשה נישט צו העלפן איינער וואס האט אים נישט געגעבן קיין געלט, חוץ אויב געבט מען אָן עפעס א מיסטישע עיכוב פון התקשרות).

Click to shrink...

בדרך צחות קען מען מדמה זיין דעם טערמין "התקשרות" אדער זיין "דבוק" אינעם צדיק צו די היינטיגע ווייפיי, אויב איז מען נישט "מקושר" צו א פארטיקולער נעטווערק קען מען נישט יונק זיין דערפון, נישט קיין חילוק ווי פאר א פיינער דער בֿאלעבּוס פון דעם ווייפיי נעטווארק איז.

 

[שעפטאל]

דעם מושג פון התקשרות זעהט מען אין זוהר ווי ר' שמעון האט געזאגט פארן תלמיד (ר' יצחק?) ביסט מקושר מיטן בוים (ר' שמעון) און דו וועסט נישט שטארבן.

דעם מושג פון מעלה זיין איינער וואס האט געטון א טובה איז, אז דער צדיק טענהט ביים בית דין של מעלה "יענער האט מיר מיט דעם געהאלפן דינען דעם באשעפער".

 

[גיוואלד]

איך האלט מיר נישט פאר אזא שוואך הארץ, אבער איך מיין אז די שנירל מעג האבן אזא 'טריגער ווארענונג' אז ס'אנטהאלט ליצנות פון צדיקים קדושי עליון, שרפי מעלה, ס'נאך אזוי טריגערינג ווי די שנירל פ"וו גייען אזויפיל אראפ פון דרך.

און ניין, כ'בין נישט קיין סקווירא'ר.

 

[שעפטאל]

כ'האב געזען דעם טריגער גלייך אויבן ביים בלאט, ס'שטייט 'קרעמל'

און ס'שטייט @נחבי בן ופסי

 

[Reb Yid]

בדרך צחות קען מען מדמה זיין דעם טערמין "התקשרות" אדער זיין "דבוק" אינעם צדיק צו די היינטיגע ווייפיי, אויב איז מען נישט "מקושר" צו א פארטיקולער נעטווערק קען מען נישט יונק זיין דערפון, נישט קיין חילוק ווי פאר א פיינער דער בֿאלעבּוס פון דעם ווייפיי נעטווארק איז.

Click to shrink...

איך האלט שוין פונלאנג אז די שרפי מעלה האבן פשוט געהאט עקסעס צו אינטערנעט, און אזוי געקענט זעהן וואס טוט זיך אפ פון איין עק וועלט ביזן צווייטן, איי וויאזוי ? אינטערנעט איז נאך דאן נישט געווען, דערפאר ווייסן מיר דאך אז אונזערע חכמים און צדיקים האבן שוין באזיצט און געוויסט אלע חכמות לאנג בעפאר עס איז ערפינדן געווארן. און די כופרים וועלן עס פארענטפערן אז ניין זיי האבן נישט געוויסט פון אלע חכמות, נאר וואזשע דען זיי האבן גע׳טיים טרעוועל׳ט…

 

[וואלווי]

איך האלט מיר נישט פאר אזא שוואך הארץ, אבער איך מיין אז די שנירל מעג האבן אזא 'טריגער ווארענונג' אז ס'אנטהאלט ליצנות פון צדיקים קדושי עליון, שרפי מעלה, ס'נאך אזוי טריגערינג ווי די שנירל פ"וו גייען אזויפיל אראפ פון דרך.

און ניין, כ'בין נישט קיין סקווירא'ר.

Click to shrink...

דארפסט ניטאמאל זיין א סקווערער צו זעהן גראד, און טריגערס וועט נישט העלפן פאר א קינדערגארטן לץ וואס האלט אין מיטן א שטויסעדיגע טענטראם :

עס גייט אן זאגן אז פארן מגיד האט גאר ווייניג געשמעקט אז עס דרייט זיך אים א מתנגד אינטער די פיס און גלייבט נישט אין אים מיט א בלינדע אמונה אזוי ווי די אנדערע תמימות'דיגע חסידים. בעיקר האט אים געשטערט אז די מתנגד איז נאך אן ערליכער אויך, נישט סתם אן אויסווארף. ער קויפט נישט אפ זיינע מעשיות אז ווען ער זיצט אין פראוועט און בטל'ט די צייט, טוט ער אויף גרויסע תיקונים. די ערליכע מתנגד האט נישט אפגעקויפט אז דער רבינס ביטול תורה איז א הייליגע זאך.

Click to shrink...

ווען ער לייגט נישט די גליון איז איין זאך, ס'איז אן אינטערסאנטע קורצע מעשה'לע. אבער אז יא, קומט ער ארויס קלאר מיט טיפשות כאילו ס'איז געווען א עכטע מעשה פון א ערליכען חכם וואס האט געלאקרט צו אויף דעקן די ליידיגייער קארטן שפילער מאטעלע פון טשערנאביל וואס האט נישט פארגינט א טובה פאר א איד, ס'איז פשוט נישט געלונגען פאר יענעם ווייל ר' ' מאטעלע איז געווען נאך א גרעסערע crook, און ממילא איז זיין אייניקל וואס האט "געהיטן" דער שטעקען סתם א womanizer, און די איבעריגע סתם שוטים.

Sick

 

[דער גאלדענער אדלער]

איך האלט שוין פונלאנג אז די שרפי מעלה האבן פשוט געהאט עקסעס צו אינטערנעט, און אזוי געקענט זעהן וואס טוט זיך אפ פון איין עק וועלט ביזן צווייטן, איי וויאזוי ? אינטערנעט איז נאך דאן נישט געווען, דערפאר ווייסן מיר דאך אז אונזערע חכמים און צדיקים האבן שוין באזיצט און געוויסט אלע חכמות לאנג בעפאר עס איז ערפינדן געווארן. און די כופרים וועלן עס פארענטפערן אז ניין זיי האבן נישט געוויסט פון אלע חכמות, נאר וואזשע דען זיי האבן גע׳טיים טרעוועל׳ט…

Click to shrink...

אלעקסיי מיט זיין פערד און וואגן געפלויגן איבער וועגן און שטעגן (אזוי ווי עראפּלאנען)

 

[נחבי בן ופסי]

דעם מושג פון מעלה זיין איינער וואס האט געטון א טובה איז, אז דער צדיק טענהט ביים בית דין של מעלה "יענער האט מיר מיט דעם געהאלפן דינען דעם באשעפער".

Click to shrink...

וואס דארף דער צדיק קומען טענה'ן? בי"ד של מעלה ווייסט נישט דערפון ביז דער צדיק קומט פארציילן?

און וויאזוי ארבעט עס אז איינער געבט אוועק זיין זכות? וואו טרעפט מען אפילו אזא מושג אין חז"ל? אדם נידון לפי מעשיו, וואס עפעס קען מען אוועקגעבן זכותים?

 

[נחבי בן ופסי]

געפעלט מיר ווי אלעס שטימט, דו ווייסט פונקטליך די מעכאניזם וויאזוי דער צדיק קאנפערירט מיט די נשמות, אזש דו האסט גאר טענות און דו מאכסט אוועק די נקודה פון התקשרות

האסט בכלל אריינגעטראכט א מינוט וויאזוי עס ארבעט אפילו צו קענען א טובה טון פאר עמיצן בעולם העליון, אינעם עולם האמת וואס נאר מי שטרח בערב שבת יאכל בשבת? עס איז גאר ווייט פון פשוט.

Click to shrink...

יא, מסכים... ס'איז גאר ווייט פון פשוט, מער וויפיל דו מיינסט

זאגסט דאך אליין, כל מי שטרח, וואו קומט אריין דא א צדיק'ס פראטעקציע? ס'איז איינע פון די געשמאקע בולשיט וואס חסידות האט אויסגעטראפן.

אין נחבי בן ופסי'ס תגובה פעלט איין קנייטש, דער מתנגד האט גראדע געזען דעם פענסטער מיט די אייגענע אויגן און מיטגעהאלטן אז קיינער שטייט נישט דארט

Click to shrink...

אמת, ווייל דער איז דאך נישט ארויסגעקומען פון באהעלטעניש ביז צום סוף פונעם שמועס ווען די רבי האט מגלה געווען פארן נשמה אז עס איז דא א איד וואס באהאלט זיך אויס, וואס דאן איז געווען אפגעשמועסט מיטן גבאי אז ער דארף אפפיצן פון פענצטער.

 

[שעפטאל]

וואס דארף דער צדיק קומען טענה'ן? בי"ד של מעלה ווייסט נישט דערפון ביז דער צדיק קומט פארציילן?

און וויאזוי ארבעט עס אז איינער געבט אוועק זיין זכות? וואו טרעפט מען אפילו אזא מושג אין חז"ל? אדם נידון לפי מעשיו, וואס עפעס קען מען אוועקגעבן זכותים?

Click to shrink...

דו גלייבסט נאך מער ווי די דעת תורה!

זיי ווייסן אז ס'איז שטותים, און זענען גרייט צו מאכן פשעטליך צו פארענטפערן די מהלך המחשבה וואס איז זיי סעיף און געשמאק. און דו נעמסט עס טאקע ערענסט!

דו גלייבסט אז בי"ד של מעלה איז איינס אונטער גאט. זיי ווייסן אז דער צדיק איז העכער פון בי"ד של מעלה און אפי' איינס בעפאר גאט. ווייל ער האט באשאפן דעם גאט וואס ער רעדט פון.

דו מאמין מיינסט אז אונזערע נשמות קומען אהן צו א פלאץ ווי מ'געט דין וחשבון. זיי ווייסן (הער אויס דרשות ביי לויות) אז די נשמות גייען צו די צדיקים וואס האבן עקסעס צו די אבות און זיי גייען צוזאמען ארויף צום כסא הכבוד איין רייסן.

 

[נחבי בן ופסי]

קינדערגארטן לץ וואס האלט אין מיטן א שטויסעדיגע טענטראם.

Click to shrink...

קומט ער ארויס קלאר מיט טיפשות

Click to shrink...

Sick

Click to shrink...

Woohoo!!!! ס'איז מיר געלינגען אויפצורעגן דעם געווענליך קיהלע וואלווי וואס קען כלומר'שט אלעס פארנעמען. מאכסט זיך נישט יעדן טאג אזאנס, כ'פיל מיך אין די זיבעטע הימל.

 

[וואלווי]

Woohoo!!!! ס'איז מיר געלינגען אויפצורעגן דעם געווענליך קיהלע וואלווי וואס קען כלומר'שט אלעס פארנעמען. מאכסט זיך נישט יעדן טאג אזאנס, כ'פיל מיך אין די זיבעטע הימל.

Click to shrink...

די קענסט מיך נישט ווען כ'ווער דעספערט. דארפסט פארשטיין, טשערנאבלער מגיד איז מיר געקומען אין חלום אז אויב כ'רודער נישט אויף וועט דער שטעקען מיך באגלייטן ביז'ן בית בחיים...

 

[דער גאלדענער אדלער]

Woohoo!!!! ס'איז מיר געלינגען אויפצורעגן דעם געווענליך קיהלע וואלווי וואס קען כלומר'שט אלעס פארנעמען. מאכסט זיך נישט יעדן טאג אזאנס, כ'פיל מיך אין די זיבעטע הימל.

Click to shrink...

דו מוזט יענעם דן זיין לכף זכות, ס'איז מוצשב"ק דו ווייסט וואספארא עבודה אונזער @וואלווי לייגט אריין דורך דעם שב"ק? דו ווייסט וויפיל תיקונים אונזער @וואלווי איז מתקן דורכ'ן שבת, אפילו מיט נשמות וואס זענען בכלל נישט געווען מקושר מיט עם, ווי באקאנט איז @וואלווי בכלל נישט מקפיד אויף קשרים און דבקות, אויב קוקט דער נשמה אויס גוט גייט גלייך א ברכה און א בּאלדיגער תיקון אהנע שאלות. און נאכדעם מוצ"ש קומען די פייער אבער איינער וואס ווייסט דערפון און האט שוין מיטגעהאלטן דעם עבודת הקודש דער האט נישט קיין קשיות נאר תירוצים