אהם,,, א גוטן! איך זע ס'איז דא דא א שיינע תוכ'נדיגע שנירל אבער אלע אלע גייען אויף איין דירעקשאן זיך צו אננעמען אויף "זכו" און אראפרייסן די רבנים האוסרים.
איך אין איך גלייב אז נאך אנדערע, גלייכן ווען ס'איז דא ניקים אויף ביידע זייטן זה בונה וזה סותר ס'ווערט א משא ומתן, יעדער געדענקט נאך די 'שחלות\אויווערי שנירל אההה ס'איז געגאנגען פייער פון די באלאטעס!
איז האב איך געקלערט צו פרובירן מסביר זיין א טראפ וואס די רבנים האוסרים האלטן.
אוודאי נישט יעדע רב רעדט ממש צום זאך, ס'איז אבער דא געוויסע פראמינענטע רבנים וואס צו אונז ווילן יא צו נישט זענען זיי די היינטיגע גדולים, ת"ח וגאונים, יא א דור צוריק זענען נאך געוועהן אמת'ע גדולים, אבער דאס איז די דור אין וואס אונז זענען, פארפאלען!
די לעצטע צוויי זייטן איז מען דן אויף די בריוו פון רבי מענדל זילבער מ'פריימאן, וואס איז א גאון עצום מאד און היות ער פירט שוין ד"ת פאר צענדליגע יארן האט ער אויפגעבויעט א שכל הישר צו קענען גוט צונעמען די שווערסטע קאמפלצירטע שאלות, נישט יעדער ווייסט, אבער היינטיגע צייטן טוהן אסאך רבנים וואס האבן א שווערע הלכה שאלה זיך ווענדן צו רבי מענדל'ן.
[ יא אסאך איז שוין געשריבן געווארן דא אויף קרעמל טענות אויף איהם, איך מיין אז ס'נעמט אבער נישט אוועק למעשה, ואין כאן הזמן להאריך, איז מ'דארף נישט יעצט ארויף קומען זאגן 'ווער ר' מענדל? איך האב אליין געהערט פון איינעם אז ער....אהער און אהין, מיין פוינט יעצט איז ער און נאך אנדערע זענען די גדולים איז לאמיר זען וואס זיי זאגן]
די ארגענזאציע "זכו" זאגט נישט נאר אז טו נישט סתם די מצות עונה און נאך וואס דו האסט גענדיגט, דו ביסט שוין מסודר, האסט מזריע געוועהן און גייסט דיך אוועק, נאר מ'דארף אויך מאכן זיכער אז די ווייב פילט אויך איהר חלק וכד' ווי מ'האט געשריבן דא אויבן
ווען א פלעין פשוטע אינגערמאן הערט די שיעורים פון זכו עפענען זיי איהם אויף א נייע וועלט הנקרא "אינדזשוימענט" זיי נישט סתם א נער אזויווי ביסט געוועהן ביז יעצט אז האסט געטוהן עונה סתם, וועק דיך אויף ס'איז דא א ריזיגע וועלט אויף די נושא, וואס ס'געשענט איז מ'הייבט זיך אריינצולייגן אז מ'זוכט טרעפט מען! ס'איז דא אזא וועג וואס מ'קען טוהן, אין אזא אין אזא אופן האט מען נאך מער תענוג אין אויב מ'טוהט קודם דעיס און נאכדעם יענץ איז די הנאה דאפעלט, עכ"פ מ'גריבלט און מ'ווערט איינגעזינקען ס'נעמט אוועק אינגאנצן די ריינקייט און תמימות פון די וואוילע חסידישע אינגעלייט, אלע אלע ספרים רעדן ארום פון דעם אז בשעת תשמיש דארף מען האבן הייליגע מחשבות מ'זאל טראכטן פון ד"ת פון צדיקים און לשם מצוה, משא"כ יעצט טראכט ער און ער רעדט פון תאוה ותענוג!!
איז די אופן ווי זיי לייגן עס אראפ ביי די לעקציעס, מאכט אזעלכע מחשבות און מעשים!
די רמב"ן שרייבט א"כ ימצא בעל התאוה מקום להיות שטוף בזמת אשתו.. וידבר ככל הנבלות..
אוודאי אז ביי א אינגערמאן אין שטוב איז פראבלעמאטיש און ער פילט אז ער קען נוצן העלפ אין די נושא מעג ער און ער זאל, גיין פריוואט צו איינעם וואס וועט איהם ארויסהעלפן אבער די אופן פון מאכן א פאון ליין פאר די רבים 'רבותי קומטס אין די מאסן' יעדער איינער זאל זיך אריינלייגן אין דעם, יעדע כולל איגערמאן זאל זען די פילע וועכנטליכע אדווערטייזמענטס און ווערן אנגערייצט סתם אזוי, פארוואס נישט! לאמיר נעמען די קורס! איי פארוואס פעלט דיך עס אויס?!
ס'שטערט נישט פאר די רבנים אז שעפטל אדער אנדערע גרויסע חשובע קרעמל ניקים הערן עס אויס! מ'רעדט פון מאכן א ליין פאר די גאס כל דיכפין ייתי ויתענג..
איך האב געשריבן מער אבער ס'האט זיך נעכטן פארמעקט איך האב א געוואלדיגע צער, איך האב נישט יעצט די כח אין מח צו עס איבער שרייבן!
[איך האף אז די עולם דא וועט הנאה האבן פון די תגובה, איך האב עס
נאר געשריבן ווייל איך וויל אז די היימישע קרעמלער זאלן זיך מחי' זיין [אז מ'וועט עס נישט לייקן שטעל איך מיך גלייך אפ פון שרייבן מער אויף די דרך, ס'פעלט מיך נישט אויס!]
מיט פארשטענדעניש א דאנק!!
השיבה שופטינו כבראשונה, ויועצינו כבתחילה... אוי והסר ממנו, ממנו, ממנו יגון ואנחה, ומלוך עלינו מהרה, מהרה, אתה ה', אוי אתה ה' לבדך...
