- זיך איינגעשריבן
- אוג. 10, 2024
- מעסעדזשעס
- 190
- רעאקציע ראטע
- 852
הרב גאלדענע אדלער, כ'סקראול אזוי דורך דיינע אלע מלא חיזוק'דיגע תגובות געריכטעט צו דעם אומגליקליכען משתוקק.
און - במחילת כבודכם הרמה - קוקט מיר אויס אז דו היייבסט בכלל נישט אן צו באגרייפן דעם אינגערמאן'ס ביטערן שיקזאל, דא שטייט (ליגט) א אינגערמאן וואס האט א נאטורליכע דראנג צו האבן אינטימע באציאונגען מיט זיין לעבנס באגלייטער, ער וויל עקספיריענסן ראמאנץ אויף א תורה'דיג אויסגעהאלטענע פארנעם, אן דארפן מקיים זיין אנהייב פרשת כי תצא... דערווייל אבער איז זיין ווייב סתם א ROOMATE. ער פארטראגט זיך מיט איר גאר פיין. אלעס פארט געשמירט ממש ווי אין דארמיטארי. אבער וויאזוי זינגט מענדל ראטה: איך וויל ליב האבן א מיידעלע
און מאך נישט קיין טעות: די מיידעלע זיינע איז פולקאם LIKABLE און וואלט בעצם געווען ATTRACTIVE טאמער וואוינען זיי אין טעקסאס... ליידער אבער וואוינען זיי אין די טאליבאן ד'אמעריקע ווי מ'האט אויסגעריסן יעדן זיק של פעמיניניטי מכל וכל. און דער חשש וואס חז"ל האבן זיך אזוי געפארכט "שלא תתגנה על בעלה" איז פארווירקליכט געווארן מיט אלע פשטים. חרד'יזם האט ערפאלגרייך באוויזן צו פאר'מיאוס'ן טויזענטער בנות ישראל אין די אויגן פון זייערע מענער.
דאס וואס די תורה האט געוואלט אז די בת ישראל זאל פארמאגן שיינע האר און די גוי'טע זאל זיין פאר'מיאוס'ט, האט חרד'יזם מהפך געווען מיט'ן אפשערן און מנוול זיין בנות ישראל, און וויאזוי זאגט שוין רש"י? בַּבַּיִת שֶׁמִּשְׁתַּמֵּשׁ בּוֹ, נִכְנָס וְנִתְקָל בָּהּ, יוֹצֵא וְנִתְקָל בָּה, רוֹאֶה בִּבְכִיָּתָהּ, רוֹאֶה בְּנִוּוּלָהּ, כְּדֵי שֶׁתִּתְגַנֶּה עָלָיו, דאס וואס האט געזאלט פאסירן צום אשת יפת תואר, טוט אצינד פאסירן צו אונזערע בנות מלכים. און דער אינגערמאן איז סטאק מיט איר פארן לעבן, ווייל ביי טיים ער כאפט זיך וואס דא גייט פאר האט ער שוין מקיים געווען מצות פוריא ורוביא, וואס דאס באדייט אז אפילו טאמער ער איז יא גרייט זיך צו גט'ן (און באקומען די גרוש סטיגמע והמסתעף) מיינט דאס פארט אז (אין בעסטן פאל) וועט ער ברויכן שפייזן 2 פאמיליעס אינדערצייט וואס זיין מאגערע געהאלט קלעקט קוים פאר איינס. און טאמער וועט ער נישט עפאורדען CHILD SUPPORT ווערט ער אויטאמאטיש פארוואנדלט אין דער רשעות'דיגע טאטע וועלכע זארגט זיך נישט פאר זיינע אייגענע קינדער (ליין: געוועזענע ווייב). און די תוצאות זענען אז מ'לאזט אים נישט זעהן די קינדער/קומען צו זייערע שמחות, און דערנאך פירט עס צו זעלבסטמארד רח"ל.
אין קורצן: קיין שום שיינע פערל רייד טוט/וועט נישט לינדערן דעם אינגערמאנס פראבלעם, און ווען איר - נשר הזהב - פרובירט אים נאך צו 'טרייסטן' אז רוב מענטשן זענען נישט אזוינע בני מזל צו טרעפן גוטע דיעלס אויף אתרוגים/הייזער צייגט עס אויף א האראויפשטעלנדע איגנאראנץ! כ'מיין סיריעסלי ווער רעדט דא פון אתרוגים? משתוקק קעירט נישט אויף געלט!! ס'דא זאכן וואס זענען בעיסיק הומען נידס. לעבן איז גרעסער ווי געלט! און ניין! רוב (אלגעמיינע) מענטשן זענען נישט סטאק פארן לעבן מיט איימיצן וואס זיי זענען נישט ATTRACTED צו!! ממילא דער 'צרת רבים חצי נחמה' טרייסט טאקטיק איז נישט רעלעוואנט אין דעם פאל. און דא קומט נישט אריין 'מזל'! מ'ברויך נישט האבן 'מזל' צו ווערן עטרעקטעד צו די ווייב, דער כלל פון "חן אשה על בעלה" (סוטה מז.) איז גילטיג אפילו ביי שלימזלנים אויכעט - AS LONG אז דו ביסט נישט געגאנגען און בידיים צוגרינד געלייגט דעם חן.
וויאזוי האט דער פייטן היינט געקלאגט:
וְהֵן אָנוּ אַתָּה:
...כִּשְׂנוּאִים וְאֵין לֶאֱהֹב: ...כַּחֲסֵרִים וְאֵין לְמַלֹּאת... כַּאֲנוּסִים וְאֵין מָנוֹס:...וּמַה יֵּשׁ לָנוּ עוֹד צְדָקָה וְלִזְעֹק עוֹד אֶל פְּנֵי הַמֶּלֶךְ
לעצט רעדאגירט:
, 
