- זיך איינגעשריבן
- אפר. 15, 2024
- מעסעדזשעס
- 303
- רעאקציע ראטע
- 2,312
נעכטן האט פרעזידענט טראמפ זיך געטראפן מיט פריים מיניסטאר ביבי נתניהו און פארגעשלאגן א פלאן פון אריבערפירן אלע איינוואוינער פון עזה צו דערנעבנדע אראבישע לענדער וואס וועלן מסכים זיין זיי אריינצונעמען און דערנאך פארוואנדלען דאס ארט אלס אן אמעריקאנער שטיק לאנד וואס מ'וועט שיין איבערבויען און שאפן אסאך דזשאבס פאר די מענטשן אין די געגנט.
יעצט פאר מ'הייבט אן אריינקריכן און דן זיין די השלכות פון אזא אקט, מיין איך אז יעדער וועט מודה זיין אז אזא געדאנק איז גאר ווילד און ס'וואלט זיך נישט גע'חלומ'ט אז אזא פארשלאג זאל בכלל געזאגט ווערן.
די פאלעסטינער קומען מיט א טענה אז ארץ ישראל איז כולה שלי, מיר וואוינען שוין דארט פאר הונדערטע יארן, פלוצלינג האבן אידן אנגעהויבן מיט א נייעם ציוניזם אידעאלאגיע און זיך באקוועם געמאכט ביי אונז אין וויינגארטן ביז ס'איז צוגעקומען צום הקמת המדינה וואס האט זיי עמטליך געגעבן דעם לאנד און פארטריבן די פאלעסטינער צו פילע געגנטער ארום ארץ ישראל אבער זיי האבן שטענדיג פראטעסטירט אויף דעם אזויגערופענעם אומרעכט וואס מ'האט זיי געטון און זענען נישט מסכים מיט'ן גאנצן מדינה ווירטשאפט.
די אידן קומען מיט אן ענליכע טענה וואס גייט צוריק מיט צוויי טויזנט יאר און איז פעסטגעשטעלט מיט ארכעאלאגיע און אידן וואס האבן דארט געוואוינט במשך די דורות, די לאנד איז קיינמאל נישט געווען א זעלבסטשטענדיג לאנד זינט מלכות בית דוד האט זיך געענדיגט, אידן זענען געווען די לעצטע איינציגע אייגנטומער אויפן לאנג אלס א זעלבסטשטענדיג לאנד, מיר זענען פארטריבן געווארן דורך די רומיים און מ'האט קיינמאל נישט געהאט א געלעגנהייט צוריקצוקומען, ביז נאך וואס די שואה האט אויפגעוויזן פאר אלע פעלקער אז אידן מוזן האבן זייער אייגן לאנד, און נאכדעם וואס ענגלאנד האט איר איינגענומען ביים ערשטן וועלט קריג און דערקלערט דעם באקאנטן בעלפור דעקלעראציע וואס האט געליינט, אז ארץ ישראל זאל זיין א היים פאר אידן בשעת וואס די אראבער זאלן ווייטער האבן זייערע רעכטן, האבן זיך זאכן דערקייקלט ביז צו תש"ח ווען ענגלאנד האט אויפגעגעבן אויף דעם איינגענומענעם לאנד און די יו.ען. האט דאס געשאנקען פאר די אידן נאך וואלן וואס זענען דארט פארגעקומען.
אן אריינגיין אין די גערעכטיגקייט פון די פילע טענות לכאן ולכאן, זענען ביידע זייטן נישט מסכים אויפצוגעבן זייער פאזיציע און שלאגן זיך זינט די הקמת המדינה ביז יעצט.
די פראבלעם איז אבער אז נאך די אקטאבער 7 שחיטות, וואס האט קודם כל אויפגעוויזן דעם וועלט מיט וואספארא רוצחים מדינת ישראל האנדלט און אז זיי זענען נישט בעסער פון אייסיס, דערנאך, מיט די מלחמה וואס מדינת ישראל האט צעברעקלט דעם רוב פונעם שטח אויף אן אופן וואס מאכט עס אומוואוינבאר און אסאך געלט און כח וועט מוזן ווערן אריינגעלייגט עס צוריק אויפצובויען, שטייט מען אין א דילעמא. ארץ ישראל וועט נישט מסכים זיין אז כאמאס זאל דאס ווייטער פירן, כאמאס ווידער וועט נישט מסכים זיין אויפצוגעבן פירערשאפט, און די איינוואוינער זענען די וואס ליידן זיך אן די מערסטע.
די שאלה יעצט מיט טראמפ'ס פארשלאג איז, 1 צו ס'איז בכלל מעגליך אזא זאך. 2 וואס איז אויב די עזה איינוואוינער ווילן בלייבן. 3 פארוואס זאלן זיי נישט מעגן צוריק גיין צו זייער היימלאנד.
ביטע אויסשמועסן אייער צדדים און זיך האלטן צום נושא.
יעצט פאר מ'הייבט אן אריינקריכן און דן זיין די השלכות פון אזא אקט, מיין איך אז יעדער וועט מודה זיין אז אזא געדאנק איז גאר ווילד און ס'וואלט זיך נישט גע'חלומ'ט אז אזא פארשלאג זאל בכלל געזאגט ווערן.
די פאלעסטינער קומען מיט א טענה אז ארץ ישראל איז כולה שלי, מיר וואוינען שוין דארט פאר הונדערטע יארן, פלוצלינג האבן אידן אנגעהויבן מיט א נייעם ציוניזם אידעאלאגיע און זיך באקוועם געמאכט ביי אונז אין וויינגארטן ביז ס'איז צוגעקומען צום הקמת המדינה וואס האט זיי עמטליך געגעבן דעם לאנד און פארטריבן די פאלעסטינער צו פילע געגנטער ארום ארץ ישראל אבער זיי האבן שטענדיג פראטעסטירט אויף דעם אזויגערופענעם אומרעכט וואס מ'האט זיי געטון און זענען נישט מסכים מיט'ן גאנצן מדינה ווירטשאפט.
די אידן קומען מיט אן ענליכע טענה וואס גייט צוריק מיט צוויי טויזנט יאר און איז פעסטגעשטעלט מיט ארכעאלאגיע און אידן וואס האבן דארט געוואוינט במשך די דורות, די לאנד איז קיינמאל נישט געווען א זעלבסטשטענדיג לאנד זינט מלכות בית דוד האט זיך געענדיגט, אידן זענען געווען די לעצטע איינציגע אייגנטומער אויפן לאנג אלס א זעלבסטשטענדיג לאנד, מיר זענען פארטריבן געווארן דורך די רומיים און מ'האט קיינמאל נישט געהאט א געלעגנהייט צוריקצוקומען, ביז נאך וואס די שואה האט אויפגעוויזן פאר אלע פעלקער אז אידן מוזן האבן זייער אייגן לאנד, און נאכדעם וואס ענגלאנד האט איר איינגענומען ביים ערשטן וועלט קריג און דערקלערט דעם באקאנטן בעלפור דעקלעראציע וואס האט געליינט, אז ארץ ישראל זאל זיין א היים פאר אידן בשעת וואס די אראבער זאלן ווייטער האבן זייערע רעכטן, האבן זיך זאכן דערקייקלט ביז צו תש"ח ווען ענגלאנד האט אויפגעגעבן אויף דעם איינגענומענעם לאנד און די יו.ען. האט דאס געשאנקען פאר די אידן נאך וואלן וואס זענען דארט פארגעקומען.
אן אריינגיין אין די גערעכטיגקייט פון די פילע טענות לכאן ולכאן, זענען ביידע זייטן נישט מסכים אויפצוגעבן זייער פאזיציע און שלאגן זיך זינט די הקמת המדינה ביז יעצט.
די פראבלעם איז אבער אז נאך די אקטאבער 7 שחיטות, וואס האט קודם כל אויפגעוויזן דעם וועלט מיט וואספארא רוצחים מדינת ישראל האנדלט און אז זיי זענען נישט בעסער פון אייסיס, דערנאך, מיט די מלחמה וואס מדינת ישראל האט צעברעקלט דעם רוב פונעם שטח אויף אן אופן וואס מאכט עס אומוואוינבאר און אסאך געלט און כח וועט מוזן ווערן אריינגעלייגט עס צוריק אויפצובויען, שטייט מען אין א דילעמא. ארץ ישראל וועט נישט מסכים זיין אז כאמאס זאל דאס ווייטער פירן, כאמאס ווידער וועט נישט מסכים זיין אויפצוגעבן פירערשאפט, און די איינוואוינער זענען די וואס ליידן זיך אן די מערסטע.
די שאלה יעצט מיט טראמפ'ס פארשלאג איז, 1 צו ס'איז בכלל מעגליך אזא זאך. 2 וואס איז אויב די עזה איינוואוינער ווילן בלייבן. 3 פארוואס זאלן זיי נישט מעגן צוריק גיין צו זייער היימלאנד.
ביטע אויסשמועסן אייער צדדים און זיך האלטן צום נושא.
