צומאכן אייוועלט

[קץ דוחק]

אקעי, קאוועשטיבל סייט איז דאַוּן לול. נאך איינער מיט דעם פראבלעם?

 

[קץ דוחק]

ווער קען געסן וואס ס'גייט געשעהן ווען ס'איז צוריק אָנליין?

1) מיין אלטע ניק אויסגעשפארט?

2) נאך צוואנציג NAMELESS ניקים?

3) סיי וועלכע מענשאָן און טעג פון די אויבנדערמאנטע ניקס אויסגעריסן?

4) נאך 25% פון די סייט אפגעשלאסן און אַאוּט אָף וויאָוּ לצמיתות?

5) אלע שפורן פון דע ניק 'דער געוואגטער יונגעל' פארשווינדן. דאס מאל סוירטן..

 

[שעפטאל]

עס זענען דא עטליכע NAMELESS אין קאװעשטיבל. ניקס װעלכע האבן אױסגעמעקט זײערע פענע נעמען בשעת װען קאװעשטיבל האט זיך פארמאכט. צװישן זײ:

@יאנקל
@אבטולמוס
@ריכטיג
@גראדעמעכעלע
@מאך זיכער

װער ס'געדענקט נאך װערט מכובד צוצולײגן.

Click to shrink...

במחילת כבודך, מיין פילינג איז אז ס'איז נישט ריכטיג צו שרייבן וועלכע ניקים זענען נעימלעס.

כ'זאג פשוט מיין רויע געפיהל און כ'מיין חלילה נישט קיין שלעכטס. ווי כ'שטעל זיך פאר שטערט עס פאר מענטשן אפי' אז זייערע ניק נעמען ווערן ארויסגעשריבן.

אונז ווייסן נישט וואס פאר א שאדן ס'קען מאכן פאר מענטשן מיט משפחות וכו'.

אונז זאלן ענדערש אכטונג געבן אויף די רצון פון אונזערע עלטערע שרייבערס וואס האבן אונז צוליב געטון און נישט מגלה זיין אפי' אויף אזא פארנעם.

 

[קץ דוחק]

איך בין מחולק מיט דיר. ס'איז אײן זאך מגלה זײן װער ס'שטײט אונטער א ניק. גאר א צװײטע זאך זאגן װעלכע הודעה האט װעלכע ניק געשריבן.

ס'איז שױן אזױ אױך גאר שװער מיטצוהאלטן און לײענען אלטע אשכולות אין קאװעשטיבל װײל א 20 ניקס האבן צו מחמת רוגזא צו מחמת'ן זיך נישט אובאכט געבן גענוג װעמען זײ טראָסטן, אפגעמאכט אױסצומעקן זײערע ניקס אדער זיך א נײע נאמען צוגעבן. רוגזא מײן איך צו דיע רעװעלוציענערן װעלכע זענען געגאנגען זיך מאכן שבת פאר זיך מיט'ן אױפעפענען ”קרעמל„. װי איז נאך װען פיהלע האבן זיך מגלה געװען בכװנה כדי צושאפן א חברותא אין ריעל לײף.

איך האב גרױס דרך ארץ פאר די אלע ניקס; זײ זענען געװען די לײבן פון קאװעשטיבל בשעתם אבער די תוכן אױף קאװעשטיבל געהערט נישט אינגאצן פאר זײ, אפילו אױב די האָוּסטינג אדער סײט-דאָמײן האט יא פײנענשעלי געהערט צוזײ, און גײן אױסמעקן נעמען פון ניקס פארשװערט גאר שטארק דאס לײענען און האלטן חשבון װער עס רעדט צו װער.

איך האב קײנמאל נישט מגלה געװען פאר קײנעם סײ װער פון די אמתע פערזאנען אונטער דיע ניקס, און איך פלאן נישט צו, אבער גײן עדיטן די תוכן, איך רעד שױן נישט פון אפשפארן גאנצע חלקים פון דער פובליק, נאר צו באשיצן געװיסע יחידים, איז נישט קײן מענטשליכקײט.

די סײט איז געװען פאר'ן ציבור בײ דעם ציבור, נישט קײן עקסלוסיװע סערװיס פאר אפאר געװיסע יחידים, װאס האבן א פראבלעם געהאט צורעדן אפן אין עכטן קאװע צימער פון שוהל, ממילא זענען אונז, אלע אנדערע ניקס, נאר אזעלכע פּאָנדלעך, פױערן, זײ צו אונטערהאלטן און געבן א פלאטפארמע. װאספארא רשות גיבט עס זײ אז װען זײ זענען פעד אָפּ דערפון, מעגן זײ זיך אפטראגן נישט אײדער'ן װאנדאלאזירן דער סײט, עדיטן און רעסטריקטען אנדערעמ'ס װערק ס'זאל דינען זײערע פחדים, אנדערע װעלן עס אָנרופן פּאַראַנױע, און אזױ ארום פארשװערן דאס לײענען פאר א קומענדיגע דור?

פארװאס מעג איך נישט האבן צוטריט צו מײנע הודעות געשריבן אין מאחורי? פארװאס מעג איך נישט טארן איבערלײענען די שמועסן װאס איך האב געהאט מיט די NAMELESS ניקס און קענען לײכט װידער רע-קאָנסטראקטן און פאלױען די קאנװערזײשאָנס, אהן זיך מיטשען? פארװאס, אױב איך געדענק װער ס'איז געװען װער, זאל איך נישט טארן דא רעקארדירן פאר פּראָספּעריטי, װער ס'איז געװען װער, אָהן אױפדעקן די עכטע מענטשן אונטער זײ? װי איז נאך װען אפילו אזױ איז שװער צוריקצוגײן און אידענטיפיצירן װער פון די NAMELESS איז װער? סױרטשינג איז געבליבן די זעלבע שװער און אוממעגליך.

אױב זײ האבן זיך נישט גענוג אפגעהיטן איז עס קײנעם'ס פראבלעם נישט, נאר זײער אײגענע. דערפאר האבן זײ געקענט נוצן מיליאנע ניקים יעדער אײנער, זײ האבן געהאט די אפציע פון שרײבן מיט א שערד Anonymous ניק, און זײ האבן אפילו געקענט טױשן ניק נעמען פון אײן מינוט אױף דאס אנדערס אָהן קײנעם מודיע זײן - װי דער משל פון @שש משזר מיט @אדנירם. װי װײט עקסטרים דארף מען גײן מיט גילוי? אלעס האט דאך א שיעור.

חוץ טאמער רעדט מען פון אזא ניק װי @פארמעגליך װאס האט ארױסגעגעבן שונד-בלעטער אױף אײנע פון די סאטמאר רביס - און אױף צענדליגע מענטשן מיט עכטע נעמען און שמוציגע CVs ביהײנד זײ - אדער אזעלכע ניקס װי לעיקװאד װאס האבן זיך אפיציעל מגלה געװען אױף דער סײט און איז נאך הײנט אין די פובליק אײַ, איז מײן איך קײנער נישט אינטרעסירט הײנט צו װיסן און גרובן װער ס'איז געװען יאנקל אדער קופערניקוס אזױ װי קײנער איז נישט אינטרעסירט הײנט װער עס איז בדק_בית אדער מײמוני, צו סײ װער אנדערש, אױף הײד פארק צו בחדרי חרדים למשל.

די סײט איז כהיום אונ-אקטיװ, די ניקס זענען אונ-אקטיװ, ס'איז שױן אריבער 10-15 יאר פון דעמאלס, ס'איז היסטערי װי מ'זאגט. איך פארשטײ באמת נישט פארװאס מען דארף חושש זײן איבער די גבול?

 

[כספי]

גילוי (עריות) איז פון די ג' חמורות, וחכמים עשו סייג לתורה, שניות ושלישיות לגילוי, ועד אין שיעור.

 

[שעפטאל]

לויט מיין פארשטאנד רעדט מען נישט פון מענטשן וואס בעהטן דאס צוליב רוגזא אויף איינעם, זיי זענען שוין לאנג אריבער דעם סטעידש פון 'פירן מלחמות'. אין יענע עידש איז מען פארנימען מיט חתונה מאכן די קינדער און מיטן פראבירן צו אדורך שווימען דאס לעבן שטילערהייט.

דיין טענה אז ס'מאכט שווער צו ליינען בארעכטיגט נישט אז זיי זאלן ליידן.

דיין טענה אז זיי האבן נישט אכטונג געגעבן איז נישט אמת, ס'דא וואס האבן זייער שטארק אכטונג געגעבן און א מגלה ניקים וואס האט געוואר געווארן דורך גרובלען האט זיי מגלה געווען 'נאר צו זיינע חברים' און אויב דו פארשטייסט נישט דעם חורבן איז עס ווייל דו ביסט נישט אינעם סיסטעם. און דו שפירסט נישט וואס ס'מיינט האבן א ווייב און קינדער אינעם סיסטעם.
און אפי' אויב ס'איז אמת אז מענטשן האבן זיך נישט געוואטשט ווען זיי זענען געווען אינג, מיינט דאס נאכאלס נישט אז אונז זאלן זיי וויי טון!

אויב מ'רעדט דא פון משפחות וואס ס'איז זיי נוגע בנפשם. און דו ביסט בייז אויף זיי פארן בעהטן פרייוועסי?!

 

[קץ דוחק]

ס'איז מיר שװער זיך צוטענה'ן װעגן געפיהלן װײל איך האב נישט די זעלבע געפיהלן װי דיר לגבי דעם. און איך האלט נישט אז געפיהלן מעגן דא מחליט זײן.

דו האלטסט עס איז צוליב װאס איך בין מער נישט אין די סיסטעם. איך האלט ס'איז נישט אמת. קודם כל לײד איך יא. ס'איז דא זאכן װאס איך קען נישט פורש בשמם זײן װאס איך לײד צוליב'ן שרײבן אפן מיט מײן אײגענע נאמען.

צװײ, איך האב נאך קײנמאל נישט מגלה געװען קײנעם, נישט א אינעװענדיגסטער נישט א דרױסענדיגער, עמיצן'ס ניק פון אײװעלט, ק"ש אױך נישט קרעמל. דו רעדסט דאך נישט דא צו א גױ. איך װײס גוט װאס מײנט לעבן אין א פחד פון די הײמישע װעד הצניעותן למיניהם און מחשבה-פאליצאנטן און איך בין דאס אלעס דורכגעגאנגען. דאס מײנט אבער נישט אז איך האלט אנדערע דארפן אדער קענען דאס דורכגײן.

װעגן דאס פארצײלן 'נאר צו זײערע חבירים', איך מײן אז דו דערקענסט אױך די ליצנות אין די װערטער. נישט אומזיסט האסטו עס ארײנגעלײגט אין קװאטס. א סוד פאר מער װי 2 מענטשן איז קײן סוד נישט.

װאס מײנסטו משפחות? 'ריכטיג' אדער 'גראדעמעכעלע' איז בײ דיר א באקאנטע משפחה-נאמען אין סײ װעלכע קהילה? 'שטיסל' איז, אבער פון זײ רעדט מען נישט. זײ זענען שױן במילא א קאנטראָװערסי-געפלאגטע משפחה..

 

[שעפטאל]

כ'מיין אז דו האסט נישט פארשטאנען

און א מגלה ניקים וואס האט געוואר געווארן דורך גרובלען האט זיי מגלה געווען 'נאר צו זיינע חברים'

Click to shrink...

 

[קץ דוחק]

אה, איך האב דאס פארזעהן. נו, אױפדעם האב איך דאך געזאגט אז זײ האבן נישט גענוג אובאכט געגעבן נישט צופארצײלן אפי' פאר אײנעם אױך נישט. איך פארשטײ אז ס'איז נישט זײער שולד געװען וכו' וכו' אבער דאס איז פאקט. אהנע הרגשים גערעדט.

 

[שעפטאל]

און אמת'דיג אויב קרעמל דארף זיי נישט אפהיטן וועלן אונז זיכער פארדינען פון דעם וואס ק"ש וועט שרינקן נאך ווי דו אליין שרייבסט...

) סיי וועלכע מענשאָן און טעג פון די אויבנדערמאנטע ניקס אויסגעריסן?

4) נאך 25% פון די סייט אפגעשלאסן און אַאוּט אָף וויאָוּ לצמיתות?

Click to shrink...

 

[קץ דוחק]

איך גלײב אז די ניקים פון װעמען מען רעדט װילן דאך אױך נישט אז מען זאל זײערע הודעות גענצליך אױסמעקן. זײ װילן האבן האבן דעם קײק גאנץ און עס אױכעט עסן.

 

[שעפטאל]

אה, איך האב דאס פארזעהן. נו, אױפדעם האב איך דאך געזאגט אז זײ האבן נישט גענוג אובאכט געגעבן נישט צופארצײלן אפי' פאר אײנעם אױך נישט. איך פארשטײ אז ס'איז נישט זײער שולד געװען וכו' וכו' אבער דאס איז פאקט. אהנע הרגשים גערעדט.

Click to shrink...

אויב אזוי איז דיין בליק אויף גילוי בין איך באמת צופרידן אז כ'האב זיך נישט באקענט מיט דיר.

ס'דא ניקים וואס זענען נישט מגולה ווייל זיי האבן זיך נישט מגלה געווען צו א מגלה!

אינטרעסאנט אז איך האב נישט מגלה געווען קיינעם צו די ניקים וואס איך קען און קיינער האט נישט מגלה געווען צו מיר איבער קיינעם.

 

[שעפטאל]

איך גלײב אז די ניקים פון װעמען מען רעדט װילן דאך אױך נישט אז מען זאל זײערע הודעות גענצליך אױסמעקן. זײ װילן האבן האבן דעם קײק גאנץ און עס אױכעט עסן.

Click to shrink...

כ'מיין אז געוויסע האבן געוואלט א גאנצע מחיקה עד הסוף. נאר די ק"ש פארוואלטונג האט געזאגט אז ק"ש האט רעכט איבער די שריפטן און זיי דארפן עס נישט פארמעקן.

און בעיקר כ'פארשטיי נישט דעם לאגיק פארוואס אויב זיי וואלטן יא געוואלט זייערע הודעות זאל בלייבן בעילם שם זאל דאס בארעכטיגן מ'זאל שמירן איבער זייערע ניקים.

 

[קץ דוחק]

אויב אזוי איז דיין בליק אויף גילוי בין איך באמת צופרידן אז כ'האב זיך נישט באקענט מיט דיר.

Click to shrink...

איך פארשטײ נישט פון װאנעט דו האסט געצױגן א מסקנא אז איך נעם אָן גילוי לײכט. בכלל נישט. נאר איך האלט אז גײן װאנדאליזירן א פובליק פארום צוליב א יחיד'ס מיסטײק אױף א מעוות שלא יכול לתקון איז אַן עװלה. אז צו אײנעם איז געשעהן גילוי, שפארט מען אפ די ניק, מען װארפט ארױס דעם מגלה און מען פאנגט אָן פונדאסנײ. װאס איז דאס פארמעקן דײנע פריעדיגע הודעות אדער ניק-נײמס? װאס זענען אנדערע שולדיג?

 

[קץ דוחק]

און בעיקר כ'פארשטיי נישט דעם לאגיק פארוואס אויב זיי וואלטן יא געוואלט זייערע הודעות זאל בלייבן בעילם שם זאל דאס בארעכטיגן מ'זאל שמירן איבער זייערע ניקים.

Click to shrink...

װײל זײ האבן דאס נישט לכתחילה געשריבן בעילום שם. װער האט דעם בעל הק"ש א רעכט געגיבן צו פארמעקן זײערע ניקס אױף זײער בקשה?

אז איך באטײליג מיך בײ א 'מינוטן' מיטינג פון די באָוּרד פון א געװיסע קלוּבּ, פון װעלכע איך בין אַטײל, קען איך שפעטער צװינגען דעם 'מינוט-טײקער' צו רעדאַקטְן די מינוטס און אױסמעקן מײנע קאָנטריביוּשְנס און איבעראל װי ס'דא א מענשאָן צו מײן נאמען, אהן די הסכמה פון אלע אנדערע?

 

[קץ דוחק]

כ'מיין אז געוויסע האבן געוואלט א גאנצע מחיקה עד הסוף. נאר די ק"ש פארוואלטונג האט געזאגט אז ק"ש האט רעכט איבער די שריפטן און זיי דארפן עס נישט פארמעקן.

Click to shrink...

נאך א מזל זײ האבן נישט פארלאנגט מען זאל מײנע הודעות אױכעט אױסמעקן..

 

[שעפטאל]

כ'בין צו הונגעריג זיך צו טענהן יעצט...

א שרייבער האט רעכט איבער זיינע שרייבעריי מיינט אויך ער זאל דאס אלעמאל מעגן אויסמעקן.

אין קרעמל קענען די וועטעראנען אלעמאל מעקן.
איך האב איין נאכט אינמיטן א דעיט זיך אפגעשטעלט און אויסגעמעקט אלע הודעות פון א ניק וואס האט געהאט א גילוי עמערדשענסי און געבעהטן מ'זאל אלעס מעקן.

און דו טענהסט אז די רעכט איז גאר דיינס אלץ ליינער אז היות א שרייבער האט דיר מהנה געווען פאר א שטיק צייט מיטן שרייבן - טאר ער אפי' נישט בעהטן מ'זאל מעקן?!

 

[שעפטאל]

אקעי, כ'גיי קויפן א סמאדי און דערנאך וועלך זיין ראוגער...
סארי פארן ריתחא

 

[קץ דוחק]

און דו טענהסט אז די רעכט איז גאר דיינס אלץ ליינער אז היות א שרייבער האט דיר מהנה געווען פאר א שטיק צייט מיטן שרייבן - טאר ער אפי' נישט בעהטן מ'זאל מעקן?!

Click to shrink...

הודעות װאס זענען פּאַרט פון שמועס שטײען נישט אפגעטײלט פארזיך אלײנס. זײ פארמירן פארט פון א האָוּל, פון א קאמפאזיציע. מען קען אױף זײ נישט קוקן אין אײסאָלײשְן. איך האלט אײנמאל ער האט עס געשיקט, אלס חלק פון א דיסקוסיע, האט ער טאקע מער נישט א פולקאמע רעכט איבער זײן הודעה.

דערפאר װאלט מען דא טאקע געברױכט כסדר מאָניטערן אױב װעטראנען מעקן נישט אינגאנצן אױס זײערע הודעות.

אין קרעמל קענען די וועטעראנען אלעמאל מעקן.
איך האב איין נאכט אינמיטן א דעיט זיך אפגעשטעלט און אויסגעמעקט אלע הודעות פון א ניק וואס האט געהאט א גילוי עמערדשענסי און געבעהטן מ'זאל אלעס מעקן.

Click to shrink...

אז דו פרעגסט מיר, איך האלט טאקע אז דאס איז אַן עװלה. מען װאלט עס געדארפט שטעלן פאר א װאָוּט. אבער װאס װײס איך.

 

[קץ דוחק]

אגב, מען מעג שױן צעטײלן דער שנירל צו א סעפערײט שנירל בנוגע ' די רעדאַקשען פון קאװעשטיבל'ס הודעות און ניק-נײמען נאכ'ן אפשליסונג' אדער סאמטינג לײק דעט.