א צד דן זיין אפשר ווי באלד סאיז נישט נגמר האט עס נישט קיין דין זרע? וואס הייסט נגמר און וואס הייסט נישט נגמר? נאכן אביולעישן איז עס שוין יא נגמר? ס'פעלט דאך נאכדעם נאכאלץ אויס נאך א צוטיילונג אז ס'זאל קענען געפרוכטבארט ווערן? און נאכן הפרייה פעלט נאך אויס נאך טריליאנען צוטיילונגען אז ס'זאל ווערן א גוף שלם? און נאך דערצו אז דער וולד וואס ווערט נוצר, איז דומה ממש לבעלת השחלה פונקט אזוי ביי השתלת שחלה ווי ביי השתלת ביצה, נו ווי שטעקט דא א חילוק רבונא דעלמא כולא?
און דער אמת איז, אז איך האב באמת טאקע געוואלט מאריך זיין מיט נאך א תגובה איבער פונקטליך וויאזוי אביולעישן גייט צו, כדי צו קענען פארשטיין די נארישקייט פון די טענת המתירים איבער די חילוק פון השתלת שחלה און השתלת ביצה. נאר יעצט זעה איך אז
@קץ דוחק האט מיך שוין מקדים געווען מסביר צו זיין דעם גאנצן ענין בפרטי פרטיות, תשואת חן חן לו. ממילא איז פשוט איבריג עס איבערצוגיין. אבער נאר בקיצור נמרץ וועל איך איבערגיין די ראשי פרקים היוצא מתמצית דבריו. און איך וויל קלארשטעלן אז איך רוף עס דווקא נישט אן, און איך שרייב דירעקט נישט מיט די הויכע שפראך, וואס גיבט נישט צו להבנת הענין, און ווי אויך האב איך כמעט נישט דערמאנט אסאך פרטים ופרטי פרטים וואס קען בלויז נאך מער צומישן, ווייל איך וויל אז יעדער זאל עס פארשטיין ווי ווייט ס'איז בכלל נישט דא קיין אמת'דיגער סברא להיתר.
איז אזוי: באמת געשעהט דא דריי שטאפלן. קודם די תקופה פון ''אוממעטשארט עגג'' דאס איז ווען די ביצה סעל איז זייענדיג נאך באהאפטען אין די שחליים ארומגענומען מיט די ''פאליקעל''. דאס איז אזא שיכט פון סעלס וואס נעמען ארום די ביצה, און טוען צושטעלן אזוי ווי סופארט פאר די ביצה. די תקופה גייט אן פון איר יצירה ביזן עונת הבגרות.
דענסמאל הייבט זיך אן די פיריעד סייקל. דאס געשיהט ווען אירע האורמאונס גערופן
Follicle Stimulating Hormone אין קורצן (FSH) זענען גורם אז געוויסע פאליקאלס דאס הייסט ביצים ארומגענומען מיט סעלס, הייבן אן זיך אויפצובלאזן אין די שחלה, און איין פאליקעל הייבט אן ווערן גרעסער ווי די אנדערע, דאס ווערט דאן גערופן די ''דאמינענט פאליקעל'', נאך דעם געשעהט אז דער דאמינענט פאלעקעל קראכט אויף, און די ביצה סעל ווערט רעליעסט פון די שחלה, און גייט אריין אין די fallopian tub וואס ווערט גערופן חצוצרה, גרייט נאכדעם צו גיין ווייטער צו קענען מופרה ווערן פון די זרע האיש, און דאס איז וואס ווערט אנגערופן ''אביולעישן''.
אבער בערך צווישן 24 און 36 שעה בעפאר אביולעישן, געשעהט א גמר פון א צוטיילונג פון די ביצה סעל אויף צוויי, איינס אביסל גרעסער פון די אנדערע, און דייקא די גרעסערע וואס ווערט גערופן די ''מעטשאר עגג'' איז וואס ווערט ריליעסט פון די שחלה אריין אין די חצוצרה, גרייט צו ווערן געפרוכטבארט פון די זרע האיש סעל. אבער בעפאר ער איז גרייט פאר הפרייה, דארף ער נאך דורך גיין נאך א צוטיילונג, וואס דאס געשעהט בשעת ווען אן איינצעלנער זרע האיש סעל, פון צווישן מילי מיליאנען סעלס, דרינגט אריין אינעם ביצה סעל, געשעהט דעמאלטס נאך א צוטיילונג און עס ווערט א דריטע סעל, און דער דריטער סעל צוזאמען מיטן זרע האיש סעל באשאפן דעם יוניק זייגאוט סעל, וואס דאס איז דער יסוד העיבור וואס הייבט זיך אן צו מאלטיפלייען ביז טריליאנען סעלס ביז ס'ווערט א גוף שלם.
יעצט נאך דעם קורצן הקדמה, איז לאמיר זעהן, נייתא ונחזי צו ס'איז נאך בכלל דא עפעס אן אמת אין די טענה אז ''אפשר ווי באלד סאיז נישט נגמר האט עס נישט קיין דין זרע?
דער אמת איז דאך אבער אז אויב א סעל דארף זיך נאך צוטיילן הייסט עס נישט נגמר, דעמאלטס פארוואס זאל א ביצה אראפ פון די שחליים יא הייסן נגמר? ער דארף זיך דאך נאך ווייטער צוטיילן? און בעצם נאכדעם דארף ער זיך ויייטער און ווייטער האלטן אין איין צוטיילן ביזן משלים זיין א גאנצער גוף? נו מיט וואס איז דער צווייטער מער פארטיג ווי דער ערשטער?
און אויב איינער זאל זיך דווקא יא מתעקש זיין און וועלן מאכן א חילוק של הבל צווישן די צוויי, קומט דער פאקטישער מציאות אז דער חומר הוולד - וואס ווי אונז ווייס מיר שוין יעצט איז דאס די סעלס, - איז אקוראט די זעלבע דומה צו די מאמע ווען מ'איז משתיל א שחלה וביצים שעליה, ווי ווען מ'איז משתיל אן א.ג.פארטיגע ביצה, און איז מוכיח בעליל ולהדיא למעלה מכל ספק אז דאס איז שקר ומופרך פונעם מציאות.
נו וואסערע טענה קומט יעצט? אז ווי זעהט מען אז חז''ל קוקען אויפן מציאות...?
רבונא דעלמא.. די גאנצע פשעטל לחלק בין תרומת ביצה להשתלת שחלה ווייסן מען אך ורק פון די היינטיגע סייענס, און ווען מ'טענה'ט זיי צוריק אז לפי די סייענס איז דאך דער וולד דומה אינגאנצן לבעלת השחלה פונקט אזוי ווי ווען מ'איז משתיל א ביצה סעל בעודו מחובר לשחלה ווי ווען מ'איז משתיל א ביצה אפגעטיילט פון די שחלה, נו אויב אזוי וואס איז בכלל דער סברא לחלק בין זה לזה? זה הוא ביצה סעל וזה הוא ביצה סעל? איז דער תירוץ אז איך גיי נישט מיט קיין סייענס, נאר מיט חז''ל.....
היש לך ליצנות גדולה מזו?
און מער איבער דעת חז''ל איבער ווער ס'איז די עכטע מאמע, אין די נעקסטע תגובה בעזר השם.
