- זיך איינגעשריבן
- מאי 7, 2024
- מעסעדזשעס
- 307
- רעאקציע ראטע
- 876
מיר נעמען אן די אויבנדערמאנטע בקשה אלץ א רשות פון נחבי בן ופסי צו פובליצירן די קלאגע אקעגן אים זינט דער ניק זקן ממרא באלאנגט אויך צו אים און ער פארלאנגט פון די הנהלה ארויפצוקומען אויסצוקלארן די נושא.
פאלגענד איז די מעסעדזש וואס מיר האבן געשיקט פאר נחבי בן ופסי און זיינע פארבינדעטע ניקס:
מיר ווילן קלארשטעלן פאר אלע קרעמלער אז זינט מען האט אים אויסגעשפארט זענען אריינגעקומען נאך עטליכע באשולדיגונגען אויף דעם זעלבן ניק וואס באשטעטיגט די ערשטע אינפארמאציע וואס מיר האבן באקומען. אויך ווילן מיר קלארשטעלן אז דאס איז נישט קיין נייע ערשיינונג, נאר מאז ומקדם האבן מיר דאס שוין געהערט, און די יעצטיגע גילוי פרשה איז נאר געווען דער ענדגילטיגער שטרוי אויפן קעמל.
די דעטאלן פון די אויבנדערמאנטע באשולדיגונגען קענען מיר נישט ארויסלייגן אין פובליק אבער זיי זענען גאר הארבע און זיי זענען געווארן אויסגעשמועסט צווישן אלע אדמיניסטראטארן און מאדס. וואס מיר קענען יא ארויסלייגן ברבים איז, אז שוין איבער א יאר צוריק האט מען געהאט א סעמי-גילוי פראבלעם דא אויף "קרעמל" מיטן ניק @שמן למאור וואס באלאנגט אויך צו @נחבי בן ופסי און דער באטרעפענדער ניק איז געווארענט געווארן דערוועגן אז דאס איז נישט ערלויבט דא אויף "קרעמל", אלזא די פאל פון פארגאנגענע וואך איז שוין די צווייטע אפענע פארלעצונג פון דעם נאטור דא אויף "קרעמל".
אנשטאט נחבי זאל נעמען אחריות און פארשטיין אז ער שפילט זיך מיט ענינים וואס יעדער איז מסכים אז מען דארף אומגיין דערמיט בכל חומר הדין, זיך אנטשולדיגן און מקבל זיין זיך צו פארבעסערן אין די צוקונפט, האט ער געלאזט אין גאנג א דורכדרינגליכע אויספארשונג, צו אויסגעפינען ווער עס האט זיך געוואגט איבערצוגעבן די אינפארמאציע פאר די אדמינס, און שאנטאזשירט יחידים ארויסצוגעבן אינפארמאציע, טראץ וואס די אדמינס און מאדס ווילן באמת פרייהייט פון ווארט און איז זייער נאכגעביג אויף רוב פארלאנגען, אבער יעדער פארשטייט אז גילוי און אפילו אן אבק-גילוי, בפרט פון א ניק וואס ברענגט און טראגט כסדר, קענען מיר נישט מוותר זיין, מיר ווילן אז יעדער זאל זיך שפירן רואיג און פארזיכערט אויף קרעמל.
נעמענדיג אין באטראכט דאס אויבנדערמאנטע וועלן מיר לאזן אויסגעשפארט נחבי בן ופסי און זקן ממרא און אלע זיינע פארבינדעטע ניקס. עס איז נישט געווען קיין גרינגע החלטה. נחבי איז א אויסגעצייכענטער שרייבער וואס מיר אלע האבן הנאה פון זיינע שרייב ווערק. ער האט אסאך צוגעגעבן צום "קרעמל", און דעריבער איז די החלטה געמאכט געווארן מיט זייער א שווער הארץ, וויסנדיג אז מיר פארלירן דערביי איינע פון די בעסטע שרייבערס.
אין די זעלבע צייט ווילן מיר ווארענען אז מעמבערס וואס נעמען זייער אנאנימיטעט ערנסט זאלן זיין זייער פארזיכטיג מיט וועם זיי טיילן מיט פריוואטע אינפארמאציע, נישט יעדער גוטער שרייבער איז א טראסטבארע קאנטאקט, ולמזהיר ולנזהר שלומים תן כמי נהר.
מען האט געדארפט זיין א טיפש עס נישט צו כאפן.
