מנהג נשים - נהיגה לנשים

[מאניש]

עס זענען דא געוויסע מנהגים וואס מקען דן זיין צו עס איז א קפידה של תורה אדער מנהג שטות

ווי למשל דאס אז פרויען זאלן זיך גאלן איז זייער פארנעפלט.
קיינער ווייסט נישט קלאר וואס איז די מקור וואס איז די אויפטוה ווען האט זיך עס אנגעהויבן וכדומה.
און מצד שני די שוועריקייטן עקל דערפון וכדומה פארשטייט מען יא קלאר.

עס זענען אבער דא זאכן וואס הייבן זיך ערשט יעצט אן, ריכטיג אין 300 יאר ארום וועט מען נאר קענען רעדן אז עס איז שוין א אלטע מנהג נאך פון די צייטן פון די שבט הלוי און פריער, און מען גייט נישט וויסן פארוואס און פארווען.
יעצט ווען מען האלט נאך אין די בראשית יארן פון די מנהג דארף לכאורה צו זיין גרינגער צו ארויס האבן די תוכן הדבר די תכלית פון די תקנה און די שיינקייט פון די מנהג (אויב ס'דא)

--

יעצט לאמיר רעדן פון די מנהג ביי געוויסע קרייזן אז פרויען זאלן נישט דרייווען.

יעדער וואס ווייסט סיי וואס איז געבעטן אריינצוקומען קלאר מיט די טעמי וסודי המנהג.

פערזענליכע בקשה
ביטע נישט ניצן די שנירל צו אויספויקן אייער ווייטאג אויפן "סיסטעם" נאר שרייבן הלכה'דיגע חסידישע סברות וכדומה.

יישר כח

ידידכם
מאניש

 

[מאניש]

לאמרי גיין פתיחה מיט 3 נקודות ששמעתי

1-סהאט זיך אמאל געדרייט (געדענק נישט ווי) א ריקארדינג פון הרב רייזמאן - בעלזא ווי ער רעדט נאכן זיין אין לעיקוואד באזוכן אז ער מיינט אז מ'דארף איינפירן אז פרויען זאלן דרייוון, און ער גייט צוריק פארן קיין ירושלים צום רב זאל מאריך ימים זיין וועט ער עס דורעכשמועסן.
א קורצע תקופה דערנאך איז ארויסגעקומען א בריוו פון רב'ס לשכה אז מען טאר נישט דרייוון.
ווער עס ווייסט די סברות וצדדים לכאן ולכאן איז געבעטן אריינצוקומען קלאר
=בעלזא קרעמלער קומט אריין=

2-געהערט פון א עלטערע וויליאמסבורגע יעקישע יודל אז ער האט גערעדט דערוועגן צו 2 גדולים אין וומס"ב ווען ער איז געוען א יונגערמאן, ביידע זאלן זיך מיען אין ליכטיגן גן עדן, (דברי יואל און שפע חיים) און פון ביידע האט ער געהערט די זעלבע נקודה,
זונה איז אפטייטש נפקת ברא אויסגייערין - לכן זאל א פרוי ווי ווייניגער קענען ארויסגיין, און וועגן דעם איז אויך ראטזאם אז פרויען זאלן נישט האבן קיין אייגענע טשעק ביכל כדי די מאן זאל וויסן אלעס וואס גייט פאר.
=סאטמארע און קלויזענבורגע קרעמלער קומט אריין=

3-געהערט פון ר' שמואל דוד הכהן פריעדמאן א שיעור ווי ער דערציילט אז עס איז ארויסגעקומען א קול קורא פון גדולי ארץ ישראל ובתוכם הרב וואזנער אז עס איז אסור פאר פרויען צו דרייוון, האט ער אנגערופן זיינע טעכטער אין לעיקוואד אז זיי זאלן אויפהערן דרייוון ביז ער איז מברר די נושא. דערנאך איז ער געווען אין אר"י האט ער באזוכט די שבט הלוי און מסביר געווען וואס גייט פאר אין לעיקוואד (לכאורה איז מאנסי די זעלבע) אז אויב די פרויען דרייוון נישט מיינט עס אדער זיי גייען רופן די מענער אינמיטן כולל זיי צו טראגן, אדער וועט מען פארן מיט טעקסיס יודישע אדער גויישע מענער זיך מייחד זיין, וכו, האט הרב וואזנער אים גע'ענטפערט בזה הלשון "אדעתא דהכי לא קאמיני" האב איך גלייך פון זיין שטוב אנגערופן מיינע טעכטער זיי געזאגט די רב לאזט ענק דרייוון.

ביטע מוסיף זיין ווער עס ווייסט.

 

[Grow_a_helmet]

לענ''ד איז דאס געווארן צוליב דעם וואס מתחילה איז דרייוון געווען אנגעקוקט ווי א פראבלעם אויך ביי די מענער, אפילו היינט זענען דא אזעלכע וואס האלטן זיך פרומער און דרייוון נישט צוליב דעם. נאר, ביי די מענער איז דאס מיט די צייט נארמאלאזירט געווארן, און ביי די פרויען איז דאס געבליבן טאבו. יעצט דארף מען שוין פארענטפערן און טרעפן טעמים אויף די נייע 'מנהג'.

 

[לאנגע לאקן]

לאמרי גיין פתיחה מיט 3 נקודות ששמעתי

1-סהאט זיך אמאל געדרייט (געדענק נישט ווי) א ריקארדינג פון הרב רייזמאן - בעלזא ווי ער רעדט נאכן זיין אין לעיקוואד באזוכן אז ער מיינט אז מ'דארף איינפירן אז פרויען זאלן דרייוון, און ער גייט צוריק פארן קיין ירושלים צום רב זאל מאריך ימים זיין וועט ער עס דורעכשמועסן.
א קורצע תקופה דערנאך איז ארויסגעקומען א בריוו פון רב'ס לשכה אז מען טאר נישט דרייוון.
ווער עס ווייסט די סברות וצדדים לכאן ולכאן איז געבעטן אריינצוקומען קלאר
=בעלזא קרעמלער קומט אריין=

2-געהערט פון א עלטערע וויליאמסבורגע יעקישע יודל אז ער האט גערעדט דערוועגן צו 2 גדולים אין וומס"ב ווען ער איז געוען א יונגערמאן, ביידע זאלן זיך מיען אין ליכטיגן גן עדן, (דברי יואל און שפע חיים) און פון ביידע האט ער געהערט די זעלבע נקודה,
זונה איז אפטייטש נפקת ברא אויסגייערין - לכן זאל א פרוי ווי ווייניגער קענען ארויסגיין, און וועגן דעם איז אויך ראטזאם אז פרויען זאלן נישט האבן קיין אייגענע טשעק ביכל כדי די מאן זאל וויסן אלעס וואס גייט פאר.
=סאטמארע און קלויזענבורגע קרעמלער קומט אריין=

3-געהערט פון ר' שמואל דוד הכהן פריעדמאן א שיעור ווי ער דערציילט אז עס איז ארויסגעקומען א קול קורא פון גדולי ארץ ישראל ובתוכם הרב וואזנער אז עס איז אסור פאר פרויען צו דרייוון, האט ער אנגערופן זיינע טעכטער אין לעיקוואד אז זיי זאלן אויפהערן דרייוון ביז ער איז מברר די נושא. דערנאך איז ער געווען אין אר"י האט ער באזוכט די שבט הלוי און מסביר געווען וואס גייט פאר אין לעיקוואד (לכאורה איז מאנסי די זעלבע) אז אויב די פרויען דרייוון נישט מיינט עס אדער זיי גייען רופן די מענער אינמיטן כולל זיי צו טראגן, אדער וועט מען פארן מיט טעקסיס יודישע אדער גויישע מענער זיך מייחד זיין, וכו, האט הרב וואזנער אים גע'ענטפערט בזה הלשון "אדעתא דהכי לא קאמיני" האב איך גלייך פון זיין שטוב אנגערופן מיינע טעכטער זיי געזאגט די רב לאזט ענק דרייוון.

ביטע מוסיף זיין ווער עס ווייסט.

Click to shrink...

1. הדברים ידועים. און ס'איז קלאר ביי די יודעי דבר אז דער רב זאל מאריך ימים זיין האט פלעין געוואלט צוריקהאלטן די שוואכע פון זיך פילן באקוועם אין זיינע מוסדות.

2. און 3. לכאורה איז דאס געווען נוגע בימים ההם ווען ס'איז געווען פאבליק טראנספארטעישן, און מ'האט זיך געקענט באגיין. די מציאות פון נעמען א קאר סערוויס (צו אובער צו ערייוו) איז באמת נישט געווען בימים ההם. כ'ווייס נישט וועגן די מעשה מיט הרב פרידמאן, אבער זיינע טעכטער וואס איך קען, דרייוון טאקע.

 

[זית רענן]

די פשוטע סיבה לענ"ד איז וויבאלד זיי מאכן אן א שטארקע טרעפיק, וואס איז גורם ביטול תורה, וואס וועט מאכן דעם מאן נערוועז און ער וועט טון ווילדע שטיק מיט זיין וויהיקל --- וואס קען צוקומען לידי סכנת נפשות ממש.
ע"פ זוהר קען זיין די סיבה מחמת וואס ווען זי דרייט דעם ראד וועט נתגלה ווערן אביסל משערות ראשה וואס איז גאר הארב כידוע.
ע"פ דרוש קען זיין אז וויבאלד אויב אשת פוטיפר וואלט געקענט דרייוון וואלט זי דאך געקענט נאכיאגן יוסף און אים צוברענגן לידי מִי טוּ מכשול, ממילא האט מען גע'אסר'ט.

 

[קאנאדער]

לכאורה קומט עס פון דעם אז פרויען זאלן נישט רייטן אויף א פערד נאר זיצן זייטיג מיט פארמאכטע פיס צוליב צניעות

 

[איש מבקש]

ס'איז יסודתו בהררי קודש!!

מאדס, ביטע אריינפירן די שניר אין די פארמאכטע 'דת ואמונה - אפענע דיסקוסיעס'

איך פיל אומבאקוועם צו זיין אויף א פלעטפארם ווי מ'פרעגט אויף די סאמע הייליגסטע.

 

[לאנגע לאקן]

די פשוטע סיבה לענ"ד איז וויבאלד זיי מאכן אן א שטארקע טרעפיק, וואס איז גורם ביטול תורה, וואס וועט מאכן דעם מאן נערוועז און ער וועט טון ווילדע שטיק מיט זיין וויהיקל --- וואס קען צוקומען לידי סכנת נפשות ממש.
ע"פ זוהר קען זיין די סיבה מחמת וואס ווען זי דרייט דעם ראד וועט נתגלה ווערן אביסל משערות ראשה וואס איז גאר הארב כידוע.
ע"פ דרוש קען זיין אז וויבאלד אויב אשת פוטיפר וואלט געקענט דרייוון וואלט זי דאך געקענט נאכיאגן יוסף און אים צוברענגן לידי מִי טוּ מכשול, ממילא האט מען גע'אסר'ט.

Click to shrink...

@וחי בהם אלערט...

 

[מאניש]

איינער שרייבט מיר אין אישי אז ער האט געהערט אז על פי פנימיות התורה איז די א פראבלעם אז די נקבה איז די מנהיג ווייל דאס טוט מגביר זיין די כח הגבורה און דינים בעולם.

קען זיין. איך קען נישט די קליינע אותיות.
אבער עס איז אינטרעסאנט אזוי צו זאגן ווייל מ'זעהט דאך אז חב"ד דרייווען יא די פרויען.

 

[לאנגע לאקן]

איינער שרייבט מיר אין אישי אז ער האט געהערט אז על פי פנימיות התורה איז די א פראבלעם אז די נקבה איז די מנהיג ווייל דאס טוט מגביר זיין די כח הגבורה און דינים בעולם.

קען זיין. איך קען נישט די קליינע אותיות.
אבער עס איז אינטרעסאנט אזוי צו זאגן ווייל מ'זעהט דאך אז חב"ד דרייווען יא די פרויען.

Click to shrink...

זאג יענעם אז מ'האט דאס שוין אויסגעריסן ווען מרת 'מעלות' האט אנגעהויבן מנהיג זיין כלל ישראל

 

[ריבי]

ס'איז יסודתו בהררי קודש!!

מאדס, ביטע אריינפירן די שניר אין די פארמאכטע 'דת ואמונה - אפענע דיסקוסיעס'

איך פיל אומבאקוועם צו זיין אויף א פלעטפארם ווי מ'פרעגט אויף די סאמע הייליגסטע.

Click to shrink...

עס איז א מנהג און געוויסע מקומות , וואס איז גיבויעט- אז ביי נשים גייט אהן דער כלל כל כבודה בת מלך פנימה-,איז נהרא נהרא ופשטיה , אין לעיקוואוד האט מען עס קיינמאהל נישט אהנגענומען
און דארט דרייווען פרויען פונקט ווי מענער
למעשה אין די היינטיגע וועלט איז נישט שייך צוזאגען אז א פרוי דרייווט איז מער עלול א מכשול ווי ווען א מאן דרייווט , אדרבה , עס איז מער שכיח
א פראבלעם ביי די מענער כי יצר לב האדם …מנעוריו .

 

[ריבי]

איינער שרייבט מיר אין אישי אז ער האט געהערט אז על פי פנימיות התורה איז די א פראבלעם אז די נקבה איז די מנהיג ווייל דאס טוט מגביר זיין די כח הגבורה און דינים בעולם.

קען זיין. איך קען נישט די קליינע אותיות.
אבער עס איז אינטרעסאנט אזוי צו זאגן ווייל מ'זעהט דאך אז חב"ד דרייווען יא די פרויען.

Click to shrink...

אין די מעלות פון אשת חיל מי ימצא
איז די פרוי די גאנצע טאהן געבערן
בטח בה בעלה , דרשה צמר ופשתים, שש וארגמן
לבושה , נודע בשערים בעלה, אלעס איז פון איהר,איז פונקט די הנהגה פון די פערד, נישט לכאורה א אישו.

 

[avrumy]

עס וועט ערגער מאכן די פארקינג פראבלעמען. אפילו יעצט איז נישטא ווי צו פארקן.

 

[avrumy]

לכאורה קומט עס פון דעם אז פרויען זאלן נישט רייטן אויף א פערד נאר זיצן זייטיג מיט פארמאכטע פיס צוליב צניעות

Click to shrink...

לויט דעם טארן פרויען בכלל נישט אריינטרעטן אין א קאר, ווייל בשעת זי פארלאזט די קאר קען זיך מגלה זיין טפח או טפחיים.

 

[לאנגע לאקן]

לויט דעם טארן פרויען בכלל נישט אריינטרעטן אין א קאר, ווייל בשעת זי פארלאזט די קאר קען זיך מגלה זיין טפח או טפחיים.

Click to shrink...

די וואס ווייסן וויאזוי סקווערע רעבע באנייט דעם קאר אריינגייענדיג דערין די ערשטע מאל מיט די רעכטע פוס, קענען אויספיגערן וויאזוי מ'קען אריינטרעטן אין קאר בכיסוי טפחיים, אק"א ככפאו שד

 

[היישעריק]

לכאורה קומט עס פון דעם אז פרויען זאלן נישט רייטן אויף א פערד נאר זיצן זייטיג מיט פארמאכטע פיס צוליב צניעות

Click to shrink...

אזוי שרייבט די שבט הלוי אין זיין תשובה

 

[ריבי]

אזוי שרייבט די שבט הלוי אין זיין תשובה

Click to shrink...

אבער דאס דארף א ביאור, ווייל דארט אין פסחים שטייט דאך אז אויף אן אופן צנוע האט אביגיל יא געריטן אויף דעם קעמל, איז דאך מותר אויב עס איז צנוע, און דרייוון א קאר איז נישט א חוסר צניעות, עס איז א מנהג אין א טייל מקומות, ווי די גמרא זאגט אויף רב, בקעה מצא וגדר בה, און עס איז נישט מחייב אנדערע מקומות.
גראדע הרב אלישיב און זיין איידעם רבי חיים זענען געווען בדעה זיך מונע צו זיין .

 

[המן טאש]

אזוי שרייבט די שבט הלוי אין זיין תשובה

Click to shrink...

אבער רבקה האט דאך יא געדרייווט דעם קעמל. מכאן ראיה מן התורה אז פרויען מוזן דרייוון.
(אין א אנדערע אשכול האב איך געשריבן פארוואס רב וואזנער איז נישט געווען קיין גדול הדור, אט האט איר, סתם פארדרייעט א מעשה פונקט פארקערט)

 

[Grow_a_helmet]

די פשוטע סיבה לענ"ד איז וויבאלד זיי מאכן אן א שטארקע טרעפיק, וואס איז גורם ביטול תורה, וואס וועט מאכן דעם מאן נערוועז און ער וועט טון ווילדע שטיק מיט זיין וויהיקל --- וואס קען צוקומען לידי סכנת נפשות ממש.
ע"פ זוהר קען זיין די סיבה מחמת וואס ווען זי דרייט דעם ראד וועט נתגלה ווערן אביסל משערות ראשה וואס איז גאר הארב כידוע.
ע"פ דרוש קען זיין אז וויבאלד אויב אשת פוטיפר וואלט געקענט דרייוון וואלט זי דאך געקענט נאכיאגן יוסף און אים צוברענגן לידי מִי טוּ מכשול, ממילא האט מען גע'אסר'ט.

Click to shrink...

די נ''מ צווישן די אלע טעמים איז ביי דרייווערלאזע קארס. לויט די טעם אז עס איז גורם ביטול תורה אדער צוליב אשת פוטיפר איז דאס נאכאלץ אסור, לויט די טעם פון שערות אדער ע''פ קבלה אז דער נקבה טאר נישט זיין דער מנהיג, קען מען מחלק זיין.
למעשה יר''ש זענען מחמיר אז אפילו אין דרייווערלאזע קארס זאל אייביג מיטגיין א מאן.

 

[המן טאש]

די נ''מ צווישן די אלע טעמים איז ביי דרייווערלאזע קארס. לויט די טעם אז עס איז גורם ביטול תורה אדער צוליב אשת פוטיפר איז דאס נאכאלץ אסור, לויט די טעם פון שערות אדער ע''פ קבלה אז דער נקבה טאר נישט זיין דער מנהיג, קען מען מחלק זיין.
למעשה יר''ש זענען מחמיר אז אפילו אין דרייווערלאזע קארס זאל אייביג מיטגיין א מאן.

Click to shrink...

די אמת מחמירים וועלן מקפיד זיין אז דער מאן אינעם דרייווערלאזן קאר זאל ״ליגן״ מיט זיי, אזוי וועט נישט זיין קיין שום חשש אז אפשר איז זי געווען אליינס אין די דרייווערלאזע קאר.