דורכ'פעלער מיינע רבי'ס
אין כאן חידוש. אבל נתחדש אצלי. אל תחשבו שלא שמעתיו עד היום. אבל היום קיבלתי.
גרויסע בושות, די דשאב איז געוועהן אנגעקאקט, די עולם אומצופרידן. ואני אנה אני בא.
יא, כ'פייגער צו זיין א פארטי פּלענער, אבער כ'מאך געווענטליך נאר משפחה חברים סטייל שמחות (איינמאל אין צוויי חדשים).
די גליקליכע פאון קאול פון מיין חבר אן עושר איז געקומען, ער מאכט פליצלינג א פּארטי, קום אריבער כ'וויל עס אנהייבן אין אפאר שעה.
כ'ווייס נישט ווי אנצופאנגן וויפיהל זאכן זענען געגאנגען שלעכט. נישט געברענגט גענוג טישטיכער. (-צוויי אנדערע קאלירן). די שיינע לייט'ס האבן זיך פארלאשן א האלבע שעה אריין. די גוים האבן נישט אלע געהאט די שיינע אנצונג'ן. פארגעסען צו ברענגן שיינע לייכטער'ס.
כ'שטיי און זעה די בליקן וואס די גבירישע חברים ווארפן. כ'באגראב זיך פאר בושות בשעת כ'פראביר כאטש אנצוהאלטן דעם סדר, באקומענדיג פלאפּ נאך פלאפּ.
ביים סוף האבעך זיך באמת אנשולדיגט, בשעת ער איז מיך מחזק "נעה, ס'געוועהן גוט", אבער זיינע אויגן דערציילן מיך די בושות וואס ער האט געהאט פארן ברענגן אזא אומ'פערפעשוניל בהמה.
מיין גאנצע גוף ווארפט זיך, כ'טרייסל זיך אין בעט מיט א פארפלאמט'ע פנים, כ'שעלט שטילערהייט נישט אויפצווועקן די צדיקות.
אבער. איין מינוט.
@שבתי רופט מיך. וכה דברי אחי הגדול.
מ'לערענט זיך גארנישט פון סוקסעס. מ'קען זיך לערנען פון דורכפאלן. די פארקרומטע וועלט מיינט אז ס'איז א בושה. ס'נישט קיין בושה. ס'איז גאר דעם אמצעי צו הצלחה.
כ'וועל פשוט דורך גיין יעדע זאך וואס איז געגאנגען ראונג, וואס זענען די גורמים, וואס דארף איך טוישן פון היינט און ווייטער. און אזוי וועלעך ווערן מער פערפעשינעל.
יא. ס'גייט מיך נעמען צייט. כ'גיי נאך פלאפּן דא דארט. ס'גייט נישט זיין א סיבה זיך אפצושטעלן, ס'גייט מיך אויסלערנען מער און מער און נאר אזוי וועל איך מצליח זיין. אויב איך וויל מצליח זיין - מיז איך אקאצעפטירן מיינע מכשולות.
אין אדם עומד על דברי תורה אלא א"כ נכשל בה.
ווילסט א טעם אין אידישקייט? ס'קאסט א פרייז, זאלסט זיך ליב האבן אפי' ווען דו טוהסט נישט אלעס. זיי צופרידן ווי דו ביסט, וואס דו טוהסט יא. האב נישט מורא צו עקספיריענס'ן. די דורכ'פעלער זענען דיינע גרעסטע רבי'ס, שטאלציר מיט זיך און מיט זיי.
)
