View attachment 7052
דער שנירל קעפל קריכט מיר אויף די נערווען; פארוואס פרעגט איר נישט, ווער עס האט געשריבן די חומש אדער די גמרא? די דאזיגע ספרים זענט איר יא זיכער אז איין מענטש האט דאס געשריבן אדער מערערע; און איר ווייסט יא זיינע/זייערע נעמען שוין; אז איר פארמאגט נישט קיין שנירל מיט'ן קעפל 'ווער האט געשריבן די חומש'? 'ווער האט געשריבן די מדרשי אגדות און די פילע לימודי החז''ל'?
דער זוהר איז געשריבן געווארן בעיקר א ליקוט פון אסאך מאמרים, פונקט גענוי ווי די גמרא און אלע אנדערע מדרשי חז''ל. יא אמת עס אנטהאלט זייער אסאך ענינים וואס הערן זיך זייער פאנטאסטיש היינט צוטאגס. ווייל עס איז בעיקר נאר מוסר וחיזוק, אסאך מער ווי אין חומש גמרא און מדרשים. אבער די זוהר האט די זעלבע קבלה ווי חומש ש''ס תלמוד בבלי וירשלמי; דהיינו פון אונזערע זיידע באבעס רביס פון אונזער מסורה.
איז דאס גענוי די זעלבע מסורה? ניין! ביי די ספרדים לערנט מען דאס מער ווי ביי אונז די אשכנזים, און אין תולדות אהרן לערנט מען דאס אויך מער ווי אין סאטמאר. און די גורע אשלג משפחה לערנט מען דאס אויך מער ווי אין כללית גור. וכו' וכו' יעדער האט זיך זיין מסורה באזונדער.
אין זידיטשוב קאמארנע, ווי די היינטיגע קאליבע ספינקע טאהשע גאלאנטע און נאך אסאך חסידישע היימישע חצרות שטאמען זיך אפ פון, האט מען יא געהאלטן אז אפילו אונטער פערציג יאר און אפילו מיר זענען נישט ערליך און אפילו מיר זענען קינדער מוזן מיר לערנען זוהר ווי גמרא יעדן טאג. אבער אין סאטמאר און אין אנדערע חסידישע קרייזן אחוץ לובאוויטש, האט מען זיך נישט געקאכט אין זוהר. נאר מ'האט דאס נאכגעזאגט אלץ א מוסר זיך צו אינספירירן מיט חיזוק לעבודת השם יתברך.
חב''ד לובאוויטש האט יא געמאכט פון זוהר א גאנצער לימוד זיך צו קאכן דערין פונקט ווי גמרא והלכה אדער אפשר מער נאך.
מ'קען ארויסנעמען ''פאני'' שטיקער חומש גמרא און מדרשים צו ארום ליצעווען פונקט ווי פון זוהר.
