א קולט איז א גרופע וואס ווערט קאנטראלירט דורך איין מענטש, און אלעס איז אינטער זיין פירערשאפט. ער איז פארוויקלט אין יעדעמס פריוואטע לעבן (אויף וויפיל עס איז אים נוגע). זיינע נאכפאלגער וועלן אלעס טוהן נאר פאר אים, ער וועט מאכן די החלטות פאר זיינע נאכפאלגער. יעדע זאך וואס האט צוטאן מיט שכל, וועט ער זיין דער וואס מאכט די באשלוס.
א קולט פירער וועט קענען מאכן סיי וועלכע אויסערגעווענליכע תקנות, און וועט תיכף ווערן נאכגעפאלגט אן קיין פארוואס.
יעצט צו ר' יואל.
ער איז אריינגעמישט אין יעדע פון זיינע חסידים'ס לעבן. איינעם מער און איינעם ווייניגער.
ער קאנטראלירט ווער פון זיינע אנהענגער קענען יא קומען וואוינען אין די שטעטל, און ווער נישט.
ער מאכט זייער אסאך החלטות פאר זיינע מענטשן. ווי צו וואוינען, מיט וועם צו חתונה האבן, ווען צו חתונה האבן. ער איז די איינציגסטע חתן רבי, פאר סיי וועלכע הדרכה דארף מען גיין צו אים. אויב דארף מען א טערעפיסט, איז עס ווייטער אים. ער לאזט נישט גיין צו קיין צווייטן.
א קולט מיינט נישט א פלאץ וואס מען ווערט פיזיש צוגעבינדן מיט קייטן.
עס איז א פלאץ וואס פראבירט צו איבערנעמען דיין לעבן אויף ווי ווייט מעגליך. די פירער וועט פראבירן דיר צו מאכן אנגעוואנדן אין אים, די שטערקסטע וואס מעגליך.
צו ווערט זיין קולט פארעכנט אלס גאר א שטארקע קולט פון ווי מען קען זיך נישט ארויס זעהן? לכאורה נישט.
אבער א קולט איז ער.
די וועג ווי אזוי ר' יואל ארבעט מיט דעם איז, שוין פון קינדווייז אן פרעדיגט ער שוין אריין אין די קינדער, אז נאר וואס ער זאגט איז ריכטיג, און נאר אים זאל מען פאלגן. אויב הערסטו איינעם אמאל אפלאכן איז עס נאר וועגן......
ער פראבירט צו אפשרעקן זיינע קינדער פון די ארומיגע וועלט, אלס מענטשן וואס ביי זיי לערנט מען נישט אויס די מינדעסטע...
ער לייגט אריין אין זיי א אימידזש ווי כאילו ער איז די איינציגסטע, פארשטאנדיגע מענטש וואס מען קען טראסטן.
ער פראבירט גראדע זייער אסאך מאל צו ניצן די הייליגע ר' נחמן אלס זיין פּאפּעט, און ארויפשמירן אויף אים זיינע מאמרים.
מיט די באקאנטע ''די רבי זאגט'' סלאגאן. זיין גאנצע מהלך איז אויף א וועג, אז ער איז די ענדגילטיגע.
