לאמיך דא אריינווארפן מיינע 2 סענט:
פאקט: די וועלט האט פון אייביג אן אפערירט אויף א סיסטעם פון
"כל דאלים גבר" און ווי ס'שיינט וועט עס ווייטער אזוי אנגיין לעולם ועד.
צום ביישפיל:
"ארץ ישראל" איז
געווען באזעצט דורך די 7 פעלקער, דאן זענען די אידן געקומען און מקיים געווען דעם "לא תחיה כל נשמה" און אויסגע'הרג'ט די אלע פעלקער אנשים נשים וטף, און זיך זעלבסט פראקלאמירט אלס די Indigenous People.
דאן אפאר הונדערט יאר שפעטער איז געקומען אלכסדר מוקדון און אקופירט ישראל, שפעטער האבן די חשמונאים עס צוריקגעכאפט, דערנאך האבן די רוימער עס אקופירט, דאן די מוסלעמענע, דאן די קרייציגלער, דאן די אטאמאנע אימפעריע, דאן די בריטישע, דאן די ציונים...
אצינד קומען די די פאלעסטינע און שרייען: FREE PALESTINE! מיר זענען די אריגינעלע איינוואוינער פון ס'לאנד, דאגעגן די ציונים פארפירן: מיר זענען די עכטע תושבים פון דעם לאנד, און אני הקטן שטייט פון דער זייט און שפעקוליר: ווער איז דא גערעכט? וועמען'ס זייט האט די מאראלישע אויבערהאנט? מ'רעדט דאך דא פון א לאנד וואס האט געטוישט הענט יעדע פאר יאר...
און באמת איז די זעלבע דילעמע רעלעוואנט כלפי אמעריקע אויכעט: די Indigenous People האבן מסתמא ארויסגעטראסקעט די וועלכע זענען דא געקומען פאר זיי, דאן די בריטישע און שפאנישע קאלאניסטן, דאן די פאראייניגטע שטאטן, נו ברויך מען דאך פארפירן: FREE AMERICA! (מאנכע טוען דאס טאקע).
און לכאורה איז דאס וואר ביי (כמעט) יעדע איינציגסטע לאנד וואס איז נאר פארהאן און האט שוין געטוישט הענט (ליין: קעפ) עטליכע מאל. דאן וויאזוי קענסטו גיין אין טיימס סקווער שרייען "באפריי פאלעסטינע" ווען דו זעלבסט וואוינסט אין א לאנד וואס איז בארויבט געווארן דורך דיינע עלטערן פון די Indigenous People, ביסט דאך ממש אומאראליש!
סא בעסיקלי האסטו 2 אפציעס: 1) טראג דיך אפ פון דעם דאזיגן אומ-מאראלישען וועלט, ווארום דו קענסט (דערווייל) נישט צוריקדרייען היסטאריע 2) מאך שלום מיט'ן מצב אז כך הוא דרכו של עולם: כל דאלים גבר! (ובלע"ז SURVIVAL OF THE FITTEST (קרעדיט: הערבערט ספענסער)), יא! אמת ס'וואלט געווען געשמאקער צו לעבן אין א וועלט פון "וגר זאב עם נמר", אבער די רעאליטעט איז נישט אזוי, און ס'איז אקעי.
גאט האט באשאפן די וועלט אויף א וועג אז דער שטערקערער הרג'ט און עסט אויף דעם שוואכער'ן, דער גרעסערער פיש שלינגט איין דעם קלענערעם. און טאקע אט די נעעבעכדיגע טשיקעלע - אויף וועלכע דו דערבארעמסט זיך אזוי הארציג - האט נארוואס געענדיגט אראפשלינגען א (לעבעדיגע) ווארעם אדער אנדערע שרצים. ס'דא אזא זאך וואס הייסט א FOOD CHAIN און ב"ה מיר זענען גליקליך צו זיין ביים שפיץ (זעה בייגעלייגט בלויז א קליינעם טייל פון די FOOD CHAIN)
View attachment 754
און באמת אפילו מיר מענטשן צווישן זיך זענען אויכעט אויסגעשטעלט אויף א וועג פון זעלבסט-פרעזערוואציע, און סעלפישקייט, און מיר הומען'ס וועלן פריאריטיזירן אונזערע אייגענע אינטערעסן בעפאר איינעם אנדערשנ'ס, והיינו טעמא דקאניבאליזם, והיינו טעמא ד'סלעווערי, און באמת וואלט דער שטערקערער מענטש ווירקליך גע'הרג'ט און געגעסן די געבראטענע פלייש פון דעם שוואכערן מענטש (אדער אין א מאדערנע וועלט (וואו מ'וויל נישט זעהן ברוטאליטעט פאר די אויגן, נאר מ'וועט זיך ליבערשט פארהוילן דערפון און זיך איינרעדן אז די בהמה האט נישט קיין יסורים טאמער 'דו' האלטס עס נישט מיט) וואלט געווען אוועילעבל ארגעניק HUMAN MEAT אויף אלע בוטשער פאליצעס!, ווייל אזוי לויטעט דער כלל: כל דאלים גבר! ווער ס'שטערקער געווינט!
נאר וואזשע דען? זענען די שוואכערע - אבער קלוגע - HUMANS אויפגעקומען מיט א געניאלע איינפאל וואס הייסט "רעגירונג" נעמליך אלע "שוואכע" מענטשן וועלן זיך צוזאמנעמען און גרינדן א קאאליציע וואס הייסט "גאווערמענט", און אצינד וועלן זיי ביינאנזאם זיך קענען שטארקן איבער דעם שטארקערן. קומט אויס אז דער כלל פון "כל דאלים גבר" איז נאך פונקט אזוי גילטיג, נאר מ'האט אויפגעטראפן א היכי תמצי וויאזוי דער שוואכערער ווערט פארוואנדלט אינעם שטארקערער, און אזוי געווינט 'ער', און דאס איז ממש פשט אין די משנה (אבות):
אלמלא מוראה של מלכות איש את רעהו חיים בלעו! אין בוכשטעבליכן זין פון ווארט!
דעריבער וויל איך זאגן פאר דעם אינגערמאן:
דו ברויכסט נישט פילן שלעכט פאר די כפרות! די כפרה האט זיך פונקט אזוי אויפגעסיינט צו דעם סיסטעם פון כל דאלים גבר, ער עסט ווערים, און דו עסט אים!
א גוטן אפעטיט!
