לאמיר פראבירן מסביר זיין דעם ענין, בעזרת ה'.
דער אייבירשטער ית''ש האט דיר געגעבן א אויסוואל, הטוב והרע וכו', און ער זאגט ובחרת בחיים.
אגב די גאנצע בחירה איז זייער א פיצעלע, ווי ס'שטייט געשריבן, פתחו לי פתח כחודו של מחט, א נאדל-שטאך, א קליינע בייג פון דעם מענטשעלע איז די עפענונג פון זיין בחירה. ואני אפתח לכם, איך וועל משלים זיין אלעס שפעטער אויף דיין אויסוואל.
סיי וועלכע סתירה איז נישט אויסגעשלאסן פון די יכולת פונעם באשעפער, און אויב ער האט געקענט מאכן ביים הר סיני עטליכע אזעלכע אומגעווענליכע פאקטן, ווי מ'זאל זען די קולות און דיבורים, די לוחות זאל קענען געלייענט ווערן פון אלע זייטן - כאילו ס'איז רינדעכיג, און אז מ'זאל עס נישט זען פארקערט ביי קיין איין ווינקל, און אז די מם און סמך זאלן הענגן אינמיטן.
דארפסט נאך ניסים וואס ער קען?
אינעם ווארט 'ומפליא לעשות' איז נכלל אלעס. ער מאכט וואונדער וואס קוקט אויס ווי א איינפאכע נאטור, ווען ס'נישט!
ער קען מאכן אז די פאקט זאל ווערן א צווייטע פאקט, ווייל 'ער' האט געמאכט די פאקט, וואס אלע סייענטיסטן בויען אויף זיין באשאפענע פאקט. און ער קען מאכן זאכן וואס דער גרעסטער צויבער קונצלער קען נישט.
מיסטער גרונעם פארשער האט געגעבן א נאמען פאר סקווער באקסעדיג, און פאר רינדעכיג - סירקל. קומט דער באשעפער פון מיסטער גרונם, דער באשעפער פון זיין שכל וואס האט אים געמאכט דעסיידען אז אזוי זאל ער עס רופען, און ער לייגט אריין אין אלעס א טויש; סירקל מיינט באקסעדיג און באקסעדיג מיינט סירקל.
אויב אזוי וואס איז גרונם'ס בחירה?
דער באשעפער האט באשאפן א נס, אז כאטש ער טוט אלעס, האט ער באזונדער באשאפן אזא אינטערעסאנטע פאקט וואס איז קעגן די פארשטענליכע געווענליכע פאקטן, אז דו האסט יא א בחירה, כאטש ער מאכט דיך די בחירה אויך.
וואס קען איך טון?
דו טו דיינס, און גאט ווייסט גוט וואס דו קלערסט און וואס דו ביסט יא שולדיג און וואס נישט. ווען דו וועסט לעבן בלויז מיט א נשמה אן א גוף, וועסטו זען די אונטערשייד צווישן אוועקנעמען די בחירה און האבן די בחירה אינעם געטליכען זינען.
[מיר האט גענומען אסאך יגיעה און פרייוויליגע עקשנות, און פראגעס פון דערהויבענע יודען, נאכאמאל און נאכאמאל, צו פארשטיין דעם טיפער כאפ, דעם באגריף. און טאמער טרעפסטו איינער וואס קען דיר נישט ענטפערן א צופרידנשטעלנדע ענטפער, איז יענער נישט דער וואס ווייסט אליינס די אמת גענוג קלאר. ]
