כ'האב באמת קיינמאל נישט פארשטאנען וואס איז בכלל דער באמבע קשיא וועגן ידיעה און בחירה. אבער קוקט אויס אז כ'בין נישט זוכה צו פארשטיין אז ס'איז עפעס שווער דא.
און מיין שכל זאגט מיר, ס'דאך פשוט אז אויב דער באשעפער קען אלעס, פארוואס זאל ער נישט קענען טון די היפוך וואס די נאטור שטעלט פאר.
דער הייליגע רמב"ם (און אסאך אנדערע ראשונים) האט יא א פראבלעם דערמיט. דער ראב"ד רעגט זיך אפי' אז דער רמב"ם האט געעפנט א פענדורא'ס באקס וואס האט נישט אויסגעפעלט..
אין קורצן, ס'מאכט נישט קיין סענס צו זאגן אז ג-ט קען טון הפיכים וואס אונז פארשטייען נישט, ער קען אפשר טון פארקערט ווי נאטור, אבער נישט פארקערט ווי לאגיק אליין. אבער ווי געזאגט וויל איך נישט ווערן פארשלע]ט אין דעם שמועס.
אויף דיין ערשטער ארגימענט; ס'זיכער אז ס'דא וואס קענען בעסער און ס'דא וואס קענען פשוט'ער מסביר זיין א רש''י א תוספות, א שטיקל מאמר החכם. אבער פארוואס כ'ווער ווילד ווען כ'זע די פראגעס - ברענג מיר הוכחות - ס'נישטא קיין ספעציפישע ראיות - וכו', און כ'קלער מיר; איז אמת אז פונעם אנדערער זייט איז אזעלכע וואס האבן נאכנישט קיין געצייטיגטע משנה?
משניות - אויב דו ווייסט נישט - ברענגט נישט קיין הוכחות פאר ג-ט, (גמרא אויך נישט, אויב איז דאס דיין קומענדיגע סטאנציע). ממילא קומט עס בכלל נישט אריין אלס ענטפער צו די פראגע וואס דיינע האכחות זענען צו א ג-ט.
ניטאמאל דער רמב"ם, חובת הלבבות, אדער כוזרי האבן זיך באגעניגט מיטן נוצן 'משניות' 'הייליגע ספרים' אדער 'זוהר' מיט 'קבלה' אלס תשובה...
ס'דאך דא אזויפיל זאפטיגע שטיקלעך און אזויפיל יסודות'דיגע שורות אין די ספרים פון חז''ל און פון די חכמי ישראל לדורותם, וואס האבן דווקא נישט פארהוילן דעם נאטור, און האבן געזען דעם בילד אסאך קלארער, און עדות און ראיות ברענגען זיין אויף יעדע ארט.
כאטש איין דוגמא ברענג, ביטע-שיין?
ווי קען זיין אז מ'ציטירט פון גלאטע קעפ וואס זייערע טעאריעס איז אויסגעצאפט פון דוימען פינגער, און 'זיי' זענען זיך סותר מיט די ראיות פון חז''ל.
גלאט אדער שטומפיג, ס'מאכט נישט אויס ווער דער מדבר איז, ס'מאכט אויס די ארגומענטן און דאס מדובר. האסט עפעס צו זאגן דארט?
דער רמב"ם און זיין זון זאגן דאך שוין אויך אויף די מעדיצינען פון חז"ל און אויף כישוף אז זיי האבן זיך טועה געווען. ס'מיר נישט באקאנט אז זיי האבן געהאט גלאטע קעפ..
_________________________
כ'וועל אייך זאגן באמת, ווען כ'קוק אריין אין א ספר אזויווי אור החיים הק' צו אין זוהר אויפ'ן וואך פון מתוק מדבש המפורסם, קומט מיר ארויף פאר די אויגן ממש חידושים אויף טיפע פראגעס וואס כ'הער און כ'קלער,
געב איין דוגמא פליז.
און ס'קען זיין ס'איז א ספעציעלע חוש טבעי, אדער גאר א מתנה רוחני, אז כ'זע צווישן די שורות מער ווי ס'איז ארויסגעשריבן, און ווען כ'לערן אנדערע ספרי מחקר, באמערק איך אז אין איין שורה פון א ספר אזויווי מאור עינים - טשערנאביל, שטייט בקיצור הקוצר דריי פרקים פון מורה נבוכים.
איין דוגמא ביטע.
אריינלערנען פשטים קען איך אין מלכי&יאסעלע אויך, טרעפן מורה נבוכים (אדער אפי' מלאכים) קען איך אין איינשטיינס ביכער אויך - אויב קוועטשט מען גענוג שטארק.
איך זוך נארמאלע דוגמאות, וואס יעדער נארמאלע מענטש קען פארשטיין און זען נישט איינס וואס ס'פארלאנגט זיך ספעציעלע כוחות וואס קיינער קען נישט אפפרעגן.. (דער איד אין משוגעים הויז קען איך אויך נישט אפפרעגן אז ער איז משיח..)
כ'זע אז יעדעס מאל כ'בין מדייק די שפראך און ווערטער, זע איך אז למשל דער אוהחה''ק האט פארענטפערט דעם באמבע און דעם באמבע,
וועלכע באמבעס? ביטע איין דוגמא..
און אז כ'לייען א סטאדי פון גרויסע חוקרים, איז עס מיר ממש ווי א ווערטל-בוך...
א נאמען פון א בוך וואס האסט געליינט ביטע?
און א דוגמא מיט וואס איז עס א ווערטל-בוך..
ווי זיי פראבירן אויספיגערן וואס טוט זיך ביהיינד די דאר,
למשל?
און ס'שטייט קלאר און דייטליך במקורות הקדושים - ווי כאילו די גאונים האבן שטודירט פון קינדווייז אן אין רוים צו יוון... זיי ווייסן אלעס, און דער חוקר קראצט זיך...
וועלכע חוקרישע זאך האבן שוין די גאונים קלאר געמאכט?
אויב מיינסטו דאס אז משה רבינו האט געשריבן די תורה און ס'איז נישט קיין צוזאמשטעל פון כ'ווייס נישט וועמען?! דאס ביסטו טאקע גערעכט - די גאונים האבן דאס שוין פון לאנג צוריק 'קלאר געמאכט'...
סך הכל, אין צוויי זאצן שרייבט א הייליגער ספר וואס דער סייענטיסט פראבירט עס מסביר זיין אין א גאנצע ביכל, און איז נאכנישט פארטיג...
איך וויל זען איין 'ספר' מסביר זיין E=MC2 (וואס איז אייגענטליך ווייניגער ווי צוויי זאצן)... זאל זיין אפי' א גאנצע ביכל - לאמיר עס נאר זען..
וואס נאך? קוואנטום מעכאניקס האבן 'ספרים' שוין מסביר געווען אין צוויי זאצן? עוואלוציע? ניטאניען געזעצן? אלגעברא?
וועלכע צוויי זאצן ביטע?
וועגן אייער פראגע פון יהושע מיט'ן זון, דארפט איר פרעגן אייערע טעאריעס פון הרב יודל דאנציגער וואס איז א גאון נפלא אין אסטראנאמיע. און כ'האב געהאט א שמועס מיט אים נישט לאנג צוריק, און דער איז דאך קלאר דערין ווי די גאסן ארום זיין הויז.
דא האסטו מיר צובלאזן אינגאנצן. פארוואס פלוצלינג יודל דאנציגער? וואו זענען די 'צוויי זאצן' וואס מאכן אלעס קלאר פארשווינדן?
אבער לפי עניות דעתי, מיינט דאך נישט אז די זון דרייעט זיך נישט, נאר דער וועלט דרייעט זיך שנעלער, און אויך דרייען זיך ביידע נישט אויפ'ן זעלבן מהלך, ממילא כאטש די זון גייט שטייטער, איז נישט מוכרח אז די וועלט דרייעט זיך 'אוועק' פונעם זון, נאר דרייעט זיך אין זיין מהלך, וואס אויב מ'שטעלט אפ די זון, בלייבט לעכטיג אויפ'ן האריזאנט.
זאג עס איבער ביטע נאך איין מאל?
קענסטו זאגן 'ווי שנעל' די וועלט אדער זון דרייען זיך? פארוואס דרייט זיך עס? וועלכע דיירעקציע דרייט זיך עס? וואס וואלט געשען אויב ס'וואלט זיך נישט געדרייט?
און איבער אלעם - פון וואו נעמסטו דיינע טעאריעס? פון דיין 'עניות דעת'? פון יודל דאנציגער? פונעם אור החיים הק'? אדער פון עפעס א פסעוודאסייענטיסט?
אז דו וועסט אבער זיך פארבונדען מיט ר' יודלען דאנציגער שליט''א, וועסטו און ער שטארק זיך פרייען, ווייל ער לעבט דערין, און איז העפי דאס מסביר זיין לפרטיה.
יישר כח פארן צו-ווייזן דעם מראה מקום..
זאג נאר משה שפיצער איז אויך גוט? אדער נאר יודל? וואס איז מיט פינחס גלויבער? שוין צו מאדערן?
______________________
דער וואס כ'ווייס, אז ער ווייסט קלאר מער ווייניגער דאס אלעס און נאכמער פון וואס מ'שטודירט אין בית ספר למדע,
פון וואו ווייסטו? פרוף ביטע..
יענע וויל איך נישט פרעגן, מתוך כבוד התורה, איך האב רעספעקט זיי נישט צו פרעגן די זאכן, ווייל זיי ווילן נישט כ'זאל זיי שטערן מיט דעם, און אפי' כ'זאל וויסן אז זיי ווייסן.
אקעי.. עפעס זאגסטו.
ווייל אויך די קליינע אותיות קענען זיי פון ארבל ארויס, ווי כ'וואלט זיי אויפגעוועקט פלוצלינג און זיי וואלט געווען קלאר דערמיט. הגם זיי שלאפן נישט קיין סאך אפילו אין א בעט...
וואס איז די 'אויך'?
סייענס דיסקרימינירט נישט אין וועלכע פאנט אדער סייז עס איז געדרוקט, ס'שטומט און איז קאמפליצירט בכל אופן.. אז מ'לערנט עס קען מען עס און אז נישט נישט..
ווידער די אלע ת''ח און לומדי תורה, וואס ווייסן טאקע אסאך תורה, ווייסן לכאורה נישט וואס מיר דא ווייסן.
כ'האב געמיינט ס'שטייט אין אלע ספרים וואס מ'לערנט נאר? אהא, ס'איז שוין נישט אזוי קלאר?!..
אבער כ'האב נייעס אויב דו ווייסט נישט. ס'איז שווערער צו לערנען ש''ס ופוסקים ראשונים ואחרונים מיט די נושאי כלים, ווי ווערן א טאפ דאקטאר ביי זיי.
ליגנט! איך האב פראבירט ביידע! (אקעי נישט ממש פראבירט צו ווערן א 'טאפ דאקטאר' נאר פשוט פארשטיין בייאלאגיע און DNA פונקציעס..)
ווייז מיר איינער וואס האט ערייכט ביידע און זאגט ווי דיר..
דאס איז גערעדט פון נגלות התורה. און נסתר איז שוין א קליינע קיבוץ וואס זענען בקיא, און אויך די גואישע קאבאליסטן, בעבלען נאך וואס זיי האבן געלעיזט מיט די האלבע גלעזער פון איבערגעטייטשטע חיבורים.
דאס איז אן הנחה אדער עפעס וואס דו קענסט אויפווייזן?
יא! אויך די שטודירטע ישראלים בכלל! וואס זיי קענען איז א שפיי און א אמעראצעס,
צום ביישפיל ווער?
ואין הכי נמי, נישט ווייל ס'שווער איז עס אמת, נאר ס'איז במציאות שווערער, ווייל ס'רעדט נישט דעם מאטעריאליסטישער שפראך, כאטש ס'קוקט אויס אמאל אז יא.
לא בשמים היא שטייט אין די תורה אליין..
וואס זענען דיינע סאורסעס?
ווי איינס פון די גרעסטע צדיקים פונעם פריערדיגער דור האט געזאגט. ווען מ'לערנט נגלה א שטיקל גמרא ''מיינט'' מען אז מ'פארשטייט וואס מ'זעט. אבער אז מ'לערנט אגדתא, דארף מען זיין א פאלנער שוטה, צו קלערן אז מ'פארשטייט עפעס - מיט די איינפאכע באדייט.
גערעכט.. וממילא?
שעיקספיער פארשטייסטו שוין יא אינגאנצן?
[ווייל אויב איר ווייסט נישט; דאס גאנצע תלמוד בבלי וירושלמי, וואס מיר לערנען כסדר אין נגלה, ווערט געלערנט על פי נסתר, אויף א סדר וואס די וואס לערנען די סודות, ווייסן.
ווי למשל?
און דערפאר הייסן זיי נסתרים, ווייל מ'זעט זיי נישט ביי די שאו ווינדאוס, און ביי די מייקריפאונס... מעגליך ווען זיי ווערן איינגעפאקט אינעם קיטל בדרך החיים הבא, כאפט מען זיך עטוואס ווער זיי זענען ''געווען''.]
שיינע פשט.. איז דאס על פי נסתר אדער ע"פ נגלה?
דיין לעצטע ארגימענט האב איך בטעות געשריבן ביי א פריערדיגע תגובה.
ובקיצור נמרץ, דער אטאם ארבעט, אמאל יא אמאל נישט.
דהיינו? זיי מסביר. ווען ארבייט די אטאם נישט?
דיין GPS ארבעט, ווייסטו דאך אויך, אמאל יא אמאל נישט,
טאקע נישט ווען די בעטערי איז אויסגעגאנגען, אדער ווען די קאמיוניקעישאן כאפט נישט ווייל איך בין צו ווייט פון א טורעם..
אבער ווילאנג ארבעט עס... און וואס גאט ב''ה האט באשאפן אנע מענטשן הענט פארמישט, ארבעט אנדערש, קונצליכער, לענגער, פאר בחינם, און דרך ניסים ממש יעדע ספליט סעקאנד.
חוץ ווען נישט... ליידער.
כ'וויל צו לייגן מיין שטענדיגע ווארט.
ווען משיח וועט קומען בקרוב ממש, [מ'האלט דאך שוין נענטער ווי ווייטער], וועט שלמה המלך זינגן דעם פסוק 'אז ימלא שחוק פינו' - מיט אזא פשט.
איר האט זיך געמוטשעט צו שיסן ראקעטן מיט געזעלין און די וועלטס געלטער. און זיך אויפגעטון אז ס'קיין קלוגערס פון אייערע פאטענטן נישט דא.
ניין?
איך בין שוין געפלויגן אין די הייעך טויזענטע יארן פאר אייך, אנע עלעקטריק און געז, און נוקלעארע אנערגיע. א אדלער מיט א שטיק נבילה האט מיר געהויבן היבש הויעך און געטראגן און געוויזן וואס כ'האב געוואלט.
וואו שטייט אז שלמה המלך האט עס געטון? מיר דאכט זיך ס'שטייט אויף אלכסנדר מוקדון, אבער איך געדענק נישט קיין מקור יעצט..
למשל אז איך צייג אייך אז [כ'זאג מיין אייגענע משל] טאמאטן זאפט מיט לאווא, האט דריי מאל די כח פון נוקלעאר.
וואס מיינט דאס 'די כח פון נוקלעאר'? זיי באשטייען דאך פון נוקלעאר אליין - פונקט ווי אלעס אנדערש..
אדער ווייסע זאמדט מיט פאפיטעס געמאלענע שולעכטס היילט 'אלעס'! ואתם לא ידעתם...
ווייסטו וואס, לאמיר אויסווארטן ביז ער זאגט עס טאקע, און ס'איז נישט בלויז דיינע פאנטאזיעס וועלכע שפילן...
ביז אהין ביסטו מכובד צו טרייען ווייסע זאמד מיט פאפיטעס ווען א ביין דיינע צוברעכט זיך, אדער ח"ו ווען דו ווערסט דיאגנאזירט..
דאס איז נאר א משל, אבער שלמה המלך האט געקענט שפראכן פון א דומם, וואס ווער קען עס היינט, נעכטן צו סיי ווען?
וואס איז די 'פרוף' דערפאר? נאך א זוהר וואס דו אליין פארשטייסט פשט? אדער אן אגדתא וואס מ'דארף זיין א שוטה צו פארשטיין?
