דעם גט-רעפיוזער אליין מעג מען יא טעראריזירן?
נאך אלעם, אין אונזער סאסייעטי - פונקט ווי אלע אנדערע איבער דער גארער װעלט - געשעהט נישט קיין שינויים אזוי שנעל, זאכן רוקן זיך נישט פון זיך אליינס, די טאפ-דאון לעזונג וואס ארבעט טיילווייז אין א נארמאלע געזעלשאפט איז קאמפלעטלי צובראכן ביינונז, 'די ישועה וועט נישט קומען פונעם מזרח וואנט' ווי קטלא קניא האט זיך אויסגעדרוקט. די איינציגסטע האפענונג פאר א טויש איז פון די גרעס רוט'ס, און בעליוו איט אר נאט, אזאלכע משוגעים/ רשעים / טעראריסטן ווי זי זענען די בעסטע 'טשעינזש עיזשענטס' וואס זענען נאר פארהאן.
עס איז בלי ספק אז איר ארבעט איז 'שוין יעצט' נושא פירות, אויב אויף די עקזיסטירנדע קעיסעס גייען זאכן שווערער, טוט עס אבער אויף א געוואלד אין פריווענשאן, פאטענציעלע מעגנים פאלגן זייער נאנט נאך די אנטוויקלונגען און דער נושא ווערט ענדליך א הייסע פאטעטא וואס צווינגט די מזרח וואנט' עס נישט צו לאזן לויפן מער.
אין די צייט וואס דער עולם וואונדערט זיך אויף ר' אהרן'ס 'טשעינזש אוו הארט', פארוואס פלוצלינג ר' געציל האט געמאכט א 180, מען שפעקולירט ראבינאוויטש'ס געלט אדער די רבנות, אבער לאמיר זיך נישט פאפן, עס איז העכסט וויכטיג צו אנאליזירן די טיים פרעים און די פאקטן - וואס האט זיך געטוישט אין די הייליגע שטעטעלע זינט ר' אהרן האט געשטופט דעם שידוך און ר' געציל האט אונטערגעשריבן דעם היתר (לויט ווי מען שמועסט דא)? און וואס איז די מעסעזש וואס ר' אהרן שיקט די לעצטע שטיק צייט: 'טו וואס דו ווילסט אבער נישט ביי מיר אין שטעטל'? יעצט אז מען וויל דווקא זיין א תם ומיתמם עם תמימים קען מען טאקע מיינען אז די מרא דאתרא קאמפאני שפירט מער אחריות און געצווינגען זיך אריינצומישן וויבאלד עס איז אין די אייגענע שטעטל, אבער דאס האלט דאך נישט אויס מיט די אייגענע ברכות פארן חתן צי די כלה, ווען דער קעיס טראגט די הסכמה פון א נאנטער מענטש זיינע (רב סופר) און לויט טייל אפילו ר' געציל אויך, לאמיר זיך נישט נארן אז פלוצלינג איז זיי באפאלן א יראת שמים פונדאסניי. ר' אהרן/ סאשע האט זיך געלערנט די הארד וועי ביי די מ.נ.וו. פרשה אין תשנ"ח אוועק צו שטיין טויזנטער מייל פון א משפחה מחלוקת, וואס האט זיך פלוצלינג געטוישט אז די גאנצע קאמפאני איז אלל אין?
צו מיר עכ"פ איז דער ענטפער צו די אלע זאכן זייער אבוויעס: פלעטבוש גירל האט 'שוין', עס ווי ספיק, געטוישט דעם קאלקולוס. די חשבונות וואס די שיינע אידן מאכן נעמען געווענליך נישט אריין די עגונות צער, אבער ווען עס קומט צו די א.ג. 'קדושת העיר' זענען זיי אלע דא פאר עס. צו פארמיידן א איבערשפיל פון די מלכי סומאטאכע אינערהאלב דעם 'הייליגן שטעטל' איז ר' געציל מער נישט אינטערסירט אין ווער עס איז פונקטליך גערעכט לדעתו אין די פייט, ר' יוסף הערש סופר'ס מיינונג טראגט שוין נישט קיין געוויכט, און די גאנצע קדושה אינדוסטריע לייגט זיך אריין צו לייזן די פרשה, טויט אדער רויט, נישט קיין חילוק ווער עס איז גערעכט, וועט מען זיכער מאכן אז די פרשיות קומען צו א ענדע בעפאר פלעטבוש גירל סטרייקס אגעין.
קען זיין אז זי מיינט עס נישט לשם שמים, און אפילו אויב יא למעשה איז זי מצער אידן (אפילו אויב בארעכטיגט) און איך בין איר נישט מקנא דערפאר, אבער אין די ברייטערע בילד איז זי די וואס איז זיך מקריב פערזענליך (אפשר נישט אין די וועג וואס זי טראכט) אבער ברענגט למעשה צושטאנד גרויסע שינויים אויף א פארנעם ווי קיינמאל בעפאר. עט ליעסט אין קרית יואל ביי די אהרונים וועט ווי עס קוקט אויס אזעלכע פרשיות מער נישט טאלערירט ווערן, און אזא סייעסמיק טשעינזש קען ברענגען שטארקע ריפפל עפעקטן אינעם גאנצן חרדישן געזעלשאפט
